Plan B Cafe (已結業)

山林道有好多好嘢食，好想逐間試晒佢～menu上面有好多選擇。本來想食意大利雲吞，但店員話賣晒。蒜蓉牛油焗單骨雞翼$58 焗到好香脆，好重牛油味，用手食最滋味。芝士明太子蟹肉焗長通粉$128上面鋪咗啲木魚碎，長通粉好濃芝士味，食落淡淡蟹肉，加埋明太子，有種鹹香味道。西西里肉丸扁意粉$128茄汁酸酸甜甜好開胃，肉丸正常味道。餐廳環境坐得舒服，係夏日嘅天氣，冷氣好似唔係好夠。食物中規中矩，最適合坐喺度hea成個下午。