I's Land Cafe (已結業)

入門就見到幾隻colourful嘅小木馬，餐廳以綠色為主襯以草葉裝飾，再加一面花牆，就形成森林感。一個都幾受歡迎嘅all day breakfast，味道唔錯都夠新鮮同熱，可以一試。鰻魚炒飯，飯質較硬，味道都唔錯。二人雀籠下午茶，都係供影相為主。小漢堡同多士都過得去，沙律同焦糖布丁、泡芙都ok。但蛋糕同馬卡龍都非常甜，甜得太過了。花茶有蠟燭暖著，又夠大壺，都不錯。草莓奶昔，夠凍同味道OK咖啡夠濃，奶另上，奶是暖著給你的，不錯。