影片
更多
2014-12-11
2105 瀏覽
食飯唔一定食得好, 有時候食啲基本野、或者越細緻嘅野, 先知道嗰間餐廳係咩質素~~星期六晚約左個好姊妹食晚飯, 入到去, 見到枱枱都係擺滿啲牛扒、意大利飯, 睇到固然好食, 聞到固然香, 但係我都係想試下呢間餐廳嘅甜品, 所以就叫左芝士蛋糕兼且叫左杯野飲。首先講下個cake, 見到個餐牌係寫住係用有機食材黎做, 咁就更加想即刻試下係點。我同朋友影下相, 傾下計, 件蛋糕就好快黎到 -- 件蛋糕個擺設好特別, 如果Gordon Ramsey見到一定會讚擺得好典雅, 有酒店級嘅感覺! 賣相好好, 而味道方面, 雖然我食唔出有機食材同平時啲食材有咩分別><, 但係整體嘅味道係唔錯嘅, 因為唔少生果作伴碟, 又唔係有忌廉舖滿晒件蛋糕上面, 食落唔會太膩, 幾啱我嘅口味!至於呢杯野飲, 本來我就無諗住叫嘅, 但係我見隔離枱飲緊呢杯野, 見到又幾靚幾吸引, 所以我決定都要番杯。呢杯叫做野莓士多啤利雪芭, 聽個名都知夠晒健康。飲落去少少酸, 不過隱約都食到啲果肉, 證明佢係用真正嘅生果即叫即做, 而唔係啲加工物料。一杯果味濃郁嘅雪芭加上一件幾好精緻嘅cake, 份量雖然好似唔係好多咁
星期六晚約左個好姊妹食晚飯, 入到去, 見到枱枱都係擺滿啲牛扒、意大利飯, 睇到固然好食, 聞到固然香, 但係我都係想試下呢間餐廳嘅甜品, 所以就叫左芝士蛋糕兼且叫左杯野飲。首先講下個cake, 見到個餐牌係寫住係用有機食材黎做, 咁就更加想即刻試下係點。我同朋友影下相, 傾下計, 件蛋糕就好快黎到 -- 件蛋糕個擺設好特別, 如果Gordon Ramsey見到一定會讚擺得好典雅, 有酒店級嘅感覺! 賣相好好, 而味道方面, 雖然我食唔出有機食材同平時啲食材有咩分別><, 但係整體嘅味道係唔錯嘅, 因為唔少生果作伴碟, 又唔係有忌廉舖滿晒件蛋糕上面, 食落唔會太膩, 幾啱我嘅口味!
至於呢杯野飲, 本來我就無諗住叫嘅, 但係我見隔離枱飲緊呢杯野, 見到又幾靚幾吸引, 所以我決定都要番杯。呢杯叫做野莓士多啤利雪芭, 聽個名都知夠晒健康。飲落去少少酸, 不過隱約都食到啲果肉, 證明佢係用真正嘅生果即叫即做, 而唔係啲加工物料。一杯果味濃郁嘅雪芭加上一件幾好精緻嘅cake, 份量雖然好似唔係好多咁, 但係啱晒我想食得健康啲宗旨, 亦達到我當初嘅目的, 就係從看似簡單嘅甜品, 得知間餐廳嘅質素去到邊, 而我今次得到嘅答案係, 呢間餐廳絕對係我今年食過咁多過餐廳最好食之一。
張貼
