木子居酒屋

營業中

休息中

是日不宜開火🤭帶咗我家老爺出街晚飯食日式居酒屋，餐廳晚市做緊八五折！👍🏻餐廳充滿日式風情，樓底非常之高、座位闊落坐得好舒服，燈光柔和感覺浪漫😂仲設有一台榻榻米座位幾特別。昆布鹽漬青瓜🥒先吃個前菜開一開胃，清新嘅青瓜 有啲芝麻香。雞胸軟骨串一隻雞先得一嚿雞胸軟骨，非常脆口，有陣醬燒焦香味。阿波尾雞翼阿波尾雞係日本嘢，超市見過 我都係第一次食，肉質有彈性肉味偏淡，都幾大隻幾好肉。咖喱岩蝦炸得好香脆，外面灑上咖喱粉、鹽，陣陣咖喱香味 鹹鹹地，蝦肉都爽口彈牙，係唔錯嘅小食。牛油果松葉蟹肉脆殼卷中間包住炸軟殼蟹，上面放咗牛油果、蟹肉和炸魚仔，口感好豐富，造型都好靚仔！福岡凍蕎麥麵🍜我最喜歡呢個凍蕎麥麵，順滑爽口又健康，個麵汁好好味，仲有紫菜碎木魚花和溫泉蛋。