平成二十二日本料理 (已結業)

我嘅好家姐又帶我去食好嘢喇 款式比其他放題少，不過計落幾化算，平平地算係咁啦任飲都係汽水免費，另外喺雪櫃裏放有甜品，手快有手慢冇，我就食唔到喇，因為出面太多人排隊！食放題首要嗌刺身---三文魚、帶子、北寄貝、蝦、螺等等刺身新鮮肥美，蝦真係大得好誇張，唔係講笑，見到都嚇一跳霜降牛肉壽司真係好吸引，入口好似即溶，飯冇痴牙，我都唔知自己食咗幾多轉壽司喇八爪魚、味付螺肉份量幾多下冷烏冬，面頭放咗啲天婦羅脆皮，烏冬煙韌同天婦羅脆皮夾埋一齊食，口感好正燒牛舌好香、好爽口、好juicy，令我食唔停口好家姐真係知我心，希望可以再請我食放題，完成我嘅放題夢想