湯•米 (已易手) 新餐廳

原本想試下台灣風味一人一鍋，結果中午去到系冇既，中午得台式套餐，面或者飯，可以加配各種台灣小食，野飲都好豐富，于是決定試下吧，反正都來了。台式滷肉飯系我去開台式餐廳必點的食物。今天試下煎雞腿扒滷肉飯。餐具好靚，雞腿扒同飯系分開上。雞腿扒，比其他部位雞肉口感要嫩，大大塊，十分入味，送飯一流。滷肉不算肥，食到瘦肉粒粒，滷水撈飯很好。不過滷肉如果再多少少就更好了。可以加配小食，我地加左花枝丸，柚子蜜糖雞翼，花枝丸彈牙可口，脹卜卜好大粒。柚子蜜糖雞翼的柚子味好出，甜蜜的柚子蜜糖汁包住雞翼，特別好味，連我呢個平時唔食雞皮的人，也會食左少少雞皮貪口癮。台式香腸皮脆脆，偏甜，有特殊的香辛味，好有台灣味，不算肥，食多d都不怕，如果提供生蒜就更好了。飲品可以跟餐加料也可以單點，我地想試下特色招牌，就選擇單點。芝士凍頂烏龍同芝士茶茶八號有d似，不同的是芝士凍頂烏龍有搖勻，芝士味比較浓。茶茶八號系芝士奶蓋與茶分層，茶味比較濃。