影片
更多
2016-06-01
1613 瀏覽
今日同阿妹係銅鑼灣行完街街。我地呢對"辣妹"行到去鵝頸橋底搵野食醫肚。見到好大個門面寫住«新巴蜀風» ,於是辣癮大起，坐低試試。店內裝修簡單，好似舊式酒樓，另有兩間房；地方寬敞，坐得幾舒服。前菜 *麻辣青瓜*味道唔算好辣。平時食開既麻辣青瓜多數都係涼拌既，呢個比較特別，係暖既，而且比較多汁。老闆推介小吃*涼拌粉絲*老闆話呢個係佢地四川人係屋企經常整既家常小菜，開胃小食。我覺得佢酸酸辣辣，粉絲又爽口，的確口感一流，令人醒神開胃！主菜 *正宗四川酸菜魚*之前食川菜多數都叫水煮魚。今次就試下酸菜魚！一上枱已經比香濃既酸菜味吸引，馬上飲啖湯。好重魚既鮮味，夾埋好香既酸菜，真係好正唯一美中不足係唔夠辣！正當我同妹妹研究緊佢唔係好辣既時候，體貼既老闆又出現。佢唔知係咪聽到我地講唔夠辣，佢即刻走左入廚房炒左d秘製麻辣汁比我地，仲逐少逐少幫我地加入煲魚度，叫我地試味，唔夠再加。加辣後既酸菜魚真係一百分！吸哂辣味既薯粉亦係亮點，我同妹妹竟然食得哂，仲湯都飲乾淨埋~~~哈哈好誇張。呢間四川菜實而不華，食物有質素之餘，服務更加係好到加零一。既然佢咁就腳，下次行完街再擦過~~~
店內裝修簡單，好似舊式酒樓，另有兩間房；地方寬敞，坐得幾舒服。
前菜 *麻辣青瓜*味道唔算好辣。平時食開既麻辣青瓜多數都係涼拌既，呢個比較特別，係暖既，而且比較多汁。
老闆推介小吃*涼拌粉絲*老闆話呢個係佢地四川人係屋企經常整既家常小菜，開胃小食。我覺得佢酸酸辣辣，粉絲又爽口，的確口感一流，令人醒神開胃！
主菜 *正宗四川酸菜魚*之前食川菜多數都叫水煮魚。今次就試下酸菜魚！一上枱已經比香濃既酸菜味吸引，馬上飲啖湯。好重魚既鮮味，夾埋好香既酸菜，真係好正唯一美中不足係唔夠辣！正當我同妹妹研究緊佢唔係好辣既時候，體貼既老闆又出現。佢唔知係咪聽到我地講唔夠辣，佢即刻走左入廚房炒左d秘製麻辣汁比我地，仲逐少逐少幫我地加入煲魚度，叫我地試味，唔夠再加。加辣後既酸菜魚真係一百分！吸哂辣味既薯粉亦係亮點，我同妹妹竟然食得哂，仲湯都飲乾淨埋~~~哈哈好誇張。
呢間四川菜實而不華，食物有質素之餘，服務更加係好到加零一。既然佢咁就腳，下次行完街再擦過~~~
張貼
