hEat (已結業)

星期日夜晚同男朋友一齊食地中海菜happy浪漫下。 Sharing Menu for Two 8-Courses $1388+11. Crab and Lobster Bisque蟹肉龍蝦湯好濃龍蝦味，有一絲絲蟹肉。湯唔係稠身質感，係湯水個種。2. Tuna Steak吞拿魚扒有入口即溶既口感，配上芒果莎莎絕對有錦上添花既效果，好出色。3. Oysters菠菜芝士焗蠔有兩隻，一大一細，焗得岩岩好。4. Foie Gras第一次食鵝肝配溫泉蛋，好新奇，鵝肝十分肥美，有十舊可以慢慢仔細品嘗。5. Seasonal Clams蜆有十二隻，有啲有少少沙，但味道唔錯。6. Whole Lobster每人有半隻芝士焗龍蝦，龍蝦肉好易拆出黎，龍蝦鉗啲肉大大舊，新鮮又彈牙，好正。7. 45-Day Dry Aged Greater Omaha Striploin肉質軟腍，充滿牛味。食完食四川風味既炒雜菜可以刺激味蕾。8. Daily Dessert柚子檸檬雪糕撻細細件，味道幾濃，撻皮夠脆。心太軟超級流心，好味。