影片
更多
2021-04-16
782 瀏覽
壽司郎係香港既魅力真係唔洗多講，每日都長期有人係門口排隊👍🏻證明左香港人真係好鐘意食壽司，今次黎到佐敦呢間香港第一間分店，一定要食夠本😋😋今次係第三次黎食，吸取左之前嚟食既經驗，今次學識左要早啲嚟拎位，今次大概5點15分就黎拎位，只係等左20分鐘就有位，雖然早就早左啲食晚餐，但係食壽司郎只需要等20分鐘咁少絕對係奇蹟😂😂😂因為當食完走果時門口已經逼爆人等位😂所以依度個貼士比大家就係，即使用個app睇已經無哂位，有時早啲啲黎即刻攞飛等位，其實個等候時間亦唔算係認真太長👍🏻👍🏻一入到去就即刻用平板電腦叫野食，每次order最多只能落4碟嘢食，咁當然係嗌完一轉又一轉啦😋魷魚壽司😋😋魷魚質素幾靚，夠薄亦有切坑，中間亦有片應該係紫蘇葉黎，味道頗為清新👍🏻帶子壽司😋😋呢款帶子雖然比較細舊，但$17有兩件性價比算高，而帶子味道算鮮甜，可以一試👍🏻炸雞軟骨😋😋炸得十分脆，份量亦夠，最重要有舊檸檬比你擠落啲雞軟骨度，特別好食👍🏻海膽壽司😋😋呢款海膽既份量比較少，同埋塊紫菜比較淋，食落就唔太感受到有海膽既味道，反而青瓜個味仲出，呢碟就未必要嗌啦～豐洲竹蝦壽司😋😋😋呢碟壽司質素十分高，作為佢地呢期既推介，首
今次係第三次黎食，吸取左之前嚟食既經驗，今次學識左要早啲嚟拎位，今次大概5點15分就黎拎位，只係等左20分鐘就有位，雖然早就早左啲食晚餐，但係食壽司郎只需要等20分鐘咁少絕對係奇蹟😂😂😂因為當食完走果時門口已經逼爆人等位😂所以依度個貼士比大家就係，即使用個app睇已經無哂位，有時早啲啲黎即刻攞飛等位，其實個等候時間亦唔算係認真太長👍🏻👍🏻
一入到去就即刻用平板電腦叫野食，每次order最多只能落4碟嘢食，咁當然係嗌完一轉又一轉啦😋
魷魚壽司😋😋魷魚質素幾靚，夠薄亦有切坑，中間亦有片應該係紫蘇葉黎，味道頗為清新👍🏻
帶子壽司😋😋呢款帶子雖然比較細舊，但$17有兩件性價比算高，而帶子味道算鮮甜，可以一試👍🏻
炸雞軟骨😋😋炸得十分脆，份量亦夠，最重要有舊檸檬比你擠落啲雞軟骨度，特別好食👍🏻
海膽壽司😋😋呢款海膽既份量比較少，同埋塊紫菜比較淋，食落就唔太感受到有海膽既味道，反而青瓜個味仲出，呢碟就未必要嗌啦～
豐洲竹蝦壽司😋😋😋呢碟壽司質素十分高，作為佢地呢期既推介，首先隻蝦已經好大隻，驚喜之處係蝦頭竟然係有炸過，食落十分之脆，基本上係可以成隻蝦頭食哂佢，而呢樣野睇得出佢都花心機係上面，值得一讚，另外竹蝦壽司味道鮮甜，唔會有太多雪藏味，食落新鮮，雖然要$27一碟，但愛蝦之人必定要一試👍🏻👍🏻👍🏻
鰻魚芝士壽司😋😋😋鰻魚個size十分大，一口都未必食得哂😋😋配合埋舊忌廉芝士口感出奇地夾，毫無違和感，而鰻魚味道亦都好正，食完一舊就好滿足😋😋😋
芝士三文魚壽司😋😋將燒溶左既芝士鋪係三文魚上面，味道亦十分夾，三文魚既油脂配合燒溶左既芝士擺入口一啖就溶化哂👍🏻👍🏻👍🏻絕對係性價比高👍🏻😋
海膽撈麵😋😋😋初頭睇圖果時以為海膽既份量會有好多，原來上到枱先知佢係仲有啲汁同海膽一齊😂令到你視覺上覺得有好多海膽咁😂但食落味道相當唔錯，唔會話覺得太膩，亦食得到海膽既鮮味😋上面有紫菜碎同紫蘇葉碎撈埋落去麵到都算夾，呢個又係值得一試😋
茶碗蒸😋😋平時食日本菜必食既一款菜式，首先蒸蛋夠滑，唔會話有太多水係碗茶碗蒸上，用料亦都好足，有蝦，元貝，冬菇同白果，有呢幾樣野擺左落茶碗蒸係令個味道再昇華左，食落夠滑夠香，又係一款必叫之選👍🏻
最後用杯白桃芭菲作為結尾，壽司郎既雪糕一向都重奶味，配合埋白桃酸酸甜甜既味道，令成杯芭菲再升級左，而一杯既份量都好多，所以CP值算高👍🏻
最後加埋食左大概$350左右，價錢方面比我想像中平，可能係比較早食飯未太肚餓，但已經食到好飽好飽先落樓，總結壽司郎其實係日本都係主打平食壽司，黎到香港亦都保留返呢個特色，價錢唔算認真太貴👍🏻👍🏻如果呢呢個價錢同質素我認為真係十分高質，最慘今次無乜試到佢啲新嘢，希望下次去果時又食下唔同嘢啦😋😋😋
張貼
