影片
更多
2016-10-30
838 瀏覽
美心啲中菜平時都算係有品質保證，諗住中伏極有個譜，所以打算臨飛前飲返餐茶。入到去裝修、碗碟、擺盤各樣都係精美既。點知啲野食一食落口就知錯喇。雀籠點心：鮑魚撻、蛋撻同叉燒酥都係唔夠熱、無味，而個皮係林既。全部都好似擺左好幾日先拎出黎serve畀人咁。啲蝦餃、燒賣又係無味既。最頂癮係個什麼星斑餃，個皮鮮橙色但又出奇咁厚、入面啲「魚肉」又係無味，完全唔知自己擺左啲乜野入口。胡椒牛肉包：個味都正常，但完全做唔到山煎包應有既脆同香口，反而係濕同軟既。食物質素差都算啦。最正係啲員工既服務態度。有個帶有鄉音既中年婦女，落單全程藐咀藐舌，其他員工又跨過幾檯食客互相指責。我屋低樓下間街坊酒樓啲員工仲well-trained過呢班人呀sad總括黎講，食物質素差、員工無禮貌，配合埋呢個價錢，我真係睇唔到我有任何再食呢間餐廳既理由。
入到去裝修、碗碟、擺盤各樣都係精美既。點知啲野食一食落口就知錯喇。
雀籠點心：
鮑魚撻、蛋撻同叉燒酥都係唔夠熱、無味，而個皮係林既。全部都好似擺左好幾日先拎出黎serve畀人咁。
啲蝦餃、燒賣又係無味既。最頂癮係個什麼星斑餃，個皮鮮橙色但又出奇咁厚、入面啲「魚肉」又係無味，完全唔知自己擺左啲乜野入口。
胡椒牛肉包：
個味都正常，但完全做唔到山煎包應有既脆同香口，反而係濕同軟既。
食物質素差都算啦。最正係啲員工既服務態度。
有個帶有鄉音既中年婦女，落單全程藐咀藐舌，其他員工又跨過幾檯食客互相指責。我屋低樓下間街坊酒樓啲員工仲well-trained過呢班人呀sad
總括黎講，食物質素差、員工無禮貌，配合埋呢個價錢，我真係睇唔到我有任何再食呢間餐廳既理由。
張貼