美心.翠園 (已結業)

今次在久違的機場內工作。因疫情及先前反修例風波關係，人煙冷清得異常恐怖……工作完畢後又來到下午茶時間，知道機場內幾乎不可能有平價餐，選了這間美心茶樓，單人匹馬入去飲茶。可能實在太冷清關係，幾乎看到的途人，不是過往擁擠的旅客，而是職員、清潔工、保安，光顧其他餐廳的人看起來亦是如此。旅客竟然成了稀有物種。先讚侍應方面全程都有面帶笑容，說話有禮，用餐舒服坐下後先來個小食，小食可提前通知不需要，因會額外計錢前菜（菜莆花生）－菜莆爽脆而帶點酸味，好食；但花生十分淋，兩者形成強烈對比 ($18)開的茶名為（太極香片）－香片味強烈卻不覺濃味，尚是不錯，但偏貴 ($38)（瑤柱鮮蝦韭菜餃）－瑤柱及鮮蝦咬起來有點彈牙，韭菜如果有更多會更滋味，整體算是不錯 ($38)（香滑奶黃包）－不會過甜，有些許蛋黃碎，半流心 ($32)（羊城鳳凰煎米雞）－被賣相吸引了，實際上應是用蛋包燸米雞來煎。面頭煎蛋有點（乾爭爭），味道尚可 ($45)結帳時自己都比自己嚇到，這些份量結果花了$188，下次在機場吃飯要再留意一下了

係尼個黃加藍不能變綠的年代，翠園貴為美心集團旗下的一個老品牌，未被重新裝修都可以算是香港人對品質的一種肯定，或者是因為佢無大大隻字標明自己是屬於美心。 午飯時間，這間位於機場的翠園都被職員包場，皆因這裡的員工套餐性價比算高。粉麵一款加兩個點心未加一都係138。今次因為同枱人要食齋，所以就點了雜菌乾燒伊麵，點心就選擇了香滑奶皇包和瑤柱鮮蝦韭菜餃各一客。餸菜來至，時間剛好討論完上午工作的忙碌，可以開始補充能量，安慰一下身體。伊麵少油，有數個品種的雜菌，一齊食咬口爽脆柔軟，不會食到成口油。奶皇包鬆軟但沒有流心，不能有太多要求。韭菜餃厚水晶皮包住韭菜加一隻蝦，瑤柱就唔係好食得出，容易夾又唔會鬆散，分開兩啖食都唔會散修修，都係一種細心。作為午餐，份量適中。若果四人進餐，可以再點一至兩客點心，有餘的可以打包，下午茶時間用微波爐翻熱又係一條好漢。

Welcome back to the real world！回港落地第一餐，思倉情緒高漲，立即廣東菜。招呼服務粗糙，高昂價錢不值！四眼姐侍應免強可以，肥姐懶埋只顧執檯，瘦叔叔熱誠有禮笑容滿面。出發加油站係您，回港補給站都係您，食飽飽就回家休息，明天要上班喲。敏爺食來食去那幾味，加上天煞的揀飲擇食，悶死我！咸菜、南乳花生，送粥還好，平時我都係麻麻地。花生銀魚仔，小食太行乾爭爭，用作餐前開胃菜？似酒前小食。砂煲鮑魚汁炆雞腳，浸到甩皮甩骨，外觀絕對不討好！整隻掉入吸啜，骨肉立即分離不用費勁，溫柔地吐出白骨。鮑汁濃稠，雞肉膠黏，煮理得還好。原隻鮑魚燒賣，兩大粒巨形鮑魚真係生猛到跳起喎！依間機場翠園不論點心散晒、炒粉麵飯亂到飛起，傳菜者都一於少理，我傳菜就係傳菜。即食鮑魚仔黏著魚蓉球淋上濃濁鮑汁，雷聲大雨點小。旅行前的加油站，食飽飽才起程，我又要飛喇！黃沙豬膶燒賣，好生猛喎！碌到左右開弓，而且蒸到爆開，漿腦塗地，甩皮甩骨，慘不忍睹，賣相有點驚嚇。黃沙豬膶苦澀乾硬，下面黏著一劈蝦膠豬肉，岩岩杉杉好難咬！蝦粒非常爽，勁多蔥花草腥味頂唔順，放棄。潮州蒸粉果，打風一樣！出乎意料勁多芫茜勁多芹菜，味道強

下午響美心食飯，用AE卡係冇折嘅，用原價食咁嘅質素，真心覺得有啲唔抵。剛去到員工執緊我哋張枱，抹枱嗰條毛巾有點臭，我哋要另外用濕紙巾抹走嗰啲臭味。有小許押味嘅皮蛋，流心不多，酸薑正常。炸釀蟹鉗，外面脆米粉炸得不錯，唯蝦膠份量有點小。燒鵝油淋淋，皮軟唔脆，肉質又唔香。椒鹽唔鮮魷，乾爭爭硬骨骨的魷魚腳，仲一大浸雪味。鳳爪普普通通，蝦餃還可以。排骨剩係得肥，超油。車仔腸粉厚薄適中，加埋醬汁都唔錯。最後係普普通通，蒸到外皮爛爛地嘅燒賣。

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！未婚妻從外地工作回港，我特意一早到機場接機給她驚喜，順道不慌不忙的在機場吃個早餐。以往我們都會去第二客運大樓的茶樓飲茶，但今天懈得走過去，就去了美心翠園。進店前知客告之有機場職員優惠，挺化算的，加上美心品牌效應，就進去了！如果沒有機場職員優惠的話，點心要五十至八十元，但有優惠的話點心只是二十元，粥品只是四十五元，我們共點了五個點心一個粥。醬皇蒸鳳爪鳳爪蒸得軟身又入味，加上柚子皮和辣椒添加風味，不會死鹹，醬汁不黏稠燒賣燒賣十分紮實彈牙，而且挺大顆，口感不錯，略嫌蝦肉較少肥豬肉較多炸春卷炸得乾身不會太過油膩，餡料是素菜絲和雞肉，帶點清新，不錯！韭菜蒸餃這個餡料超多蝦肉，而且韭菜清新味甜，但是不容易夾起來，因為餃皮十分黏，未放到碗裡已經糊掉。山竹牛肉球可說是高

見離上機前都仲有時間，諗住搵間坐得舒服啲既茶樓可以坐耐啲，不過無諗過呢度啲服務會咁慢，最後我地去到閘口已經開始上機。間茶樓明明個場坐唔滿，都係一半左右，我地被安排坐到最入，然後要等成10幾分鐘先有人過黎擺位，問我地飲咩茶，叫左餸之後都要等成20分鐘。😥叫左個蕃茄炒蛋，甜甜酸酸，幾好送飯，佢話係有機蕃茄喎！咁又可以收貴你幾蚊～脆皮牛坑腩，外層包住炸漿，都炸得幾香脆，入面既牛腩都幾「淋」幾入味，外脆內軟，呢個菜又幾得意，咁食牛腩都係第一次，係好食既！竹笙上素卷，竹笙入面釀左啲木耳、金菇、蘿蔔絲等等，清清地, 都ok~ 但擺盤就樣衰左啲，好似求其pat上去咁！啲杞子同毛豆想點呢？食完叫埋單又用左兩個字，比左張咭佢等佢拎反黎簽又兩個字！其實樓面如果咁唔夠人，點解唔請多啲？好彩我地時間預鬆左咋！🤦🏻‍♀️其實食物同態度都ok 既，係貴左啲同慢囉🤷🏻‍♀️

話說上兩個月某一日咁啱返到黎又咁啱有fd下晝飛, 咁難得夾都唔使夾唔係唔一齊食餐飯呱. 唸都唔唸即刻上樓上美心·翠園飲茶, 一個飛完long flight兩個就飛long flight實係食餐勁. 我地嗌左A, B兩個餐, 即係有7款點心🤤+2個飯麵🤤 ✌🏻✌🏻✌🏻✌🏻香麻叉燒酥推介！喺出面嘅翠園必食, 估唔到機場嘅都一樣水準, 每啖滿滿叉燒, 而且無話勁多肥豬肉(呃稱) 嗰啲, 個酥皮仲要係勁脆的👍🏻瑤柱鮮蝦韭菜餃最愛透明餃子🥟皮, 韭菜好香, 鮮蝦🍤大大粒香煎芋頭糕 厚切芋頭糕非常足料, 粉漿比例好好之餘每一口都有切細細條芋頭豐富口感, 真係好怕有時食中啲擦膠feel芋頭糕, 重點係完全食唔到味精味(其實人地張點心紙咪寫左不加味精囉😀)甫魚滑燒賣湯浸百花魚肚北菇棉花雞雞件好大舊, 冬菇帶出嘅味好香啲點心多數一籠3件(原本以為無咁多), 食哂啲點心都有d飽😂未完架茄子🍆肉鬆炆伊麵通常有茄子🍆嘅餸都少不免極油, li碟出奇唔油淋淋, 肉鬆同茄子匿埋左, 好味生炒雞絲飯飯炒得乾身, 一絲絲炒蛋為個飯添加左色彩, 雞絲份量亦唔少.除返每人百零蚊, 地方又夠open, 食物足料(重點), 如

今天是我們成班朋友去完日本大阪回來的第一個晚餐，便是在香港機場美心翠園食飯，去了六天的日本自由行，整天都是食刺身、壽司、拉麵等食物，已經好掛住香港的廣東小菜，所以大家一落機不約而同，就想起去酒樓食番一些中式的小炒，因我們有個朋友有一張信用卡是有75折，所以叫了好多小菜，亦都好特別抵食，洒樓食物質素都高，真的不錯之選。滑蛋蝦仁，賣相十分美吸引，蝦肉爽口彈牙，滑蛋炒至剛熟，啱啱好，好軟滑，十分美味。琵琶豆腐，已經六天沒有食廣東小菜了，大家第一時間拿起筷子，便搶食了。

入座下单，等了20分钟也不见一碟点心上来，催问之后才匆匆上菜，我们来候机的还要过安检，即使没有特别着急，也不能这么耗。40分钟后最后一碟点心还没来，我们埋单要取消最后一碟点心还要给脸色看。找零钱又找很久。旁边翠华麦当劳排长队，美心这边有空位不用等。点心又不用现做，端上来就好了，本来觉得会快一些，但是上菜慢，三碟点心加茶水200多蚊，服务员怠慢，吃的非常不舒服。对话节选：服务员A：他们等很久了。服务员B：让他们等几分钟咯。（对话发生在我们等了20分钟之后，之前是服务员B给下的单）我妈：我们还有一份饭没上呢服务员A：我们这里没有饭哦我妈：我们还有一份点心没上服务员A：我们这里没有点心哦（只有我觉得感觉是想跟客人抬杠的节奏么？）我：我们要赶飞机，你家上菜太慢了。服务员C：她（服务员B）单打错了，把你们的菜上到别桌去了（那我退菜的时候服务员B又叹气又翻白眼还挺理直气壮的？）

每次嚟機場, 如果時間充足都會嚟呢間機場美心飲茶, 茶錢每位16蚊, 前菜每碟18蚊，至於點心因為機場關係，一定比市區嘅翠園贵啲。呢個其實係傳統糯米鷄外沾蛋漿再煎，糯米鷄用料足，蒸得透心，蛋外殼煎得香脆，唔太油 ，恰到好處！澄麵做嘅粉果皮煙韌唔痴牙， 餡料鮮甜爽脆，讚！本來呢個係乾炒牛河, 但有人唔食牛肉, 所以就改用豬肉，嗰粉炒得好乾爽， 唔會食完見到一堆油係個碟上面， 炒得好好食！ 啲伙記雖然忙， 未必可以第一時間招呼到你， 但總算有禮貌！

The food was ok, not great by stretch of any standard. Located next to the checkin area, so convenient access. Spacious and relatively clean. Service was close to terrible and not professional, won’t come back to any of the chain in HK in the future.

中秋節臨近，先嘗友人贈送的人氣流心奶皇月餅。流心確是賣點，其實就像奶皇飽，只是換了外皮，但沒有蛋黃，整體口感味道也不錯，若放入焗爐烤熱後再食更美味 但價錢貴了多倍，應吓節，也襯吓熱鬧，不想再食傳統蓮蓉蛋黃月餅,也是不錯的選擇

东西贵不说了，毕竟是机场，也能理解。但服务特别差，尤其是那个黄头发女服务员，恶声恶气。烧买说要20分钟来，结果40分钟还没来，催了几次都不上，只能取消。这样的店与香港机场的气质根本不匹配。

今天去送機，早上就在機場美心翠園飲早茶，這裡環境靜，樓底天花特高，所以不覺吵耳！點了：四寶鷄扎 尖筍蝦餃 酥皮鷄旦撻 香麻义燒酥 粟米魚肚粥點心外形精緻，四寶鷄扎材料份量足夠，用料也新鮮。尖筍虾餃皮薄蝦鮮，十分有水準！鷄旦撻仔精美，一口一個，但水準普通！香麻义燒酥，夠香夠熱，可惜味道較淡！粟米魚肚粥，味道平常，嫌它不夠熱！這裡通常方便去機場的顧客等候上機或接機時閒聚，若專程由市區來光顧就𣎴方便了！而且消費價錢不算便宜！

出發旅行前，大隊長請大家飲茶，裝修中式清雅唔娘，最正係個超高樓底，令人好舒坦！我哋人多坐最入嘅大枱，每區會用啲疏隙屏風分隔，唔會好無私隱！人多可以叫到多啲款式（我最開心影食物！🤳）煎南瓜包：一個鑊仔四個包，無食脆皮五層肉：細細件，肥瘦相間，皮脆好味！一口鮑魚撻：賣相贏晒，鮑魚仔炆得入味，有咬口好味，撻底鬆脆！鮑汁炆鳳爪：鳳爪炆得入味，鮑汁比豉汁更濃香，又唔會好鹹，好味！花膠瑤柱灌湯餃：無食，不過我唔喜歡浸湯嘅餃，喜歡包住湯嘅餃多啲！煎粉果（連湯）第一次食煎粉果，皮薄但炸得幾實，唔夠鬆化，餡料係爽口嘅蝦為主，湯係雲吞麵嘅大地魚湯，味道清而濃味，唔油膩！湯幾好味！叉燒酥：擺盤精緻，無食鮮蝦韮菜餃：晶瑩剔透，見到脹卜卜放滿晒切碎嘅韭菜蝦肉爽口，皮煙韌，好味！煎畔塘馬蹄榚：好深啡，馬蹄片大塊有爽脆口感，榚身煙韌甜美，好味！煎蘿蔔榚：微脆口，榚身偏淋，蘿蔔味濃，清甜唔假，索晒臘味油份鹹香好味！翡翠龍蝦腸粉：腸粉滑溜，蝦爽口！好味胡麻醬羅馬生菜：生菜爽脆唔老，胡麻醬唔會太杰，酸酸的開胃！海蜇頭：海蜇爽爽爽有咬口，不過醬汁唔夠麻香！花雕蟹肉燴伊麵：賣相搶眼，用料足，蟹肉蟹籽都落得多，但醬汁味道偏淡，