666泰船麵 (德輔道西) (已結業)

船面就不嬲出名細碗，平，所以可以叫多幾款，試下唔同既野。呢間船面店二十幾蚊一碗船面，就真係好細碗下，基本兩三啖就食曬，要食到飽仲貴過你係出面食正常size既面。我地都叫左好幾碗，但係碗碗既味道都係一樣，只係個配料換成牛丸/牛肉，而且個湯味道一般，有少少似藥材味，但又唔完全係，所以唔太推介。佢除左有船面仲有海南雞飯，但係飯比較乾，雞唔特別滑，唔推薦。炒魷魚味道都一般。唔係好記得炸咩，但係記得好油。酸辣鳳爪算係比較好味。