金蘭花泰國菜 (已結業)

一班人去食泰國菜, 唔駛一定要去九龍城, 友人介紹呢間由泰國人主理既上樓私房菜, 名字同九龍城其中一間泰菜館同名, 唔知有無關係架呢?!店內裝飾環境普通, 肚餓指數高, 快打開餐牌點食物, 食物選擇都唔少, 一班餓鬼叫左以下食物 :先叫個柚子沙律開下胃先, 柚子粒粒分明, 味道酸甜又爆汁, 配埋腰果一齊食, 口感特別炒金邊粉又係唔少得, 份量頗大碟, 味道調教得幾好, 炒得幾乾身, 食落唔會一口油, 撈埋花生碎一齊食仲香口泰式炸蠔餅第一次食, 有別於潮式蠔餅, 講到尾其實係炸蠔仔, 熱辣辣上碟, 炸得外香內軟, 炸醬唔厚, 好易食到蠔仔味, 用黎送啤酒就一流食泰菜又點少得咖哩類, 唔想食咁多肉, 轉食咖喱大蝦, 每一人隻確實夠大隻, 肉質幾彈牙, 個咖喱汁一D都唔辣, 配以青椒洋蔥調下味, 用黎送白飯/薄餅就一流!菜方面就炒碟通菜, 通菜幾嫩無渣, 味道唔錯甜品就係呢個賣相相當吸引既南瓜燉蛋, 四個字形容: 香滑綿甜, 食到南瓜既香甜味, 兩者混埋真係超好味, 誠意推介