影片
更多
2019-06-09
122 瀏覽
琴日同同學仔準備去進修，會好晏先放學，所以我哋就去咗又一城食晚飯，見到呢間餐廳環境舒適，的卡位相當豐富而且燈光柔和，啲嘢食似乎都好吸引，所以我哋就行咗入去坐低。首先，職員送我哋頭盤蒜蓉包，呢個包相當唔錯，軟硬度啱啱好，表面上塗滿左牛油但食落一啲都唔油膩。餐廳都好多唔同款式嘅菜可以揀，我哋最後揀咗四款菜式，因為會進修到好晏。所以我哋三個人，食左一個麵，一個飯，一個牛扒，仲有羊肉。我哋嗌左一個好特色嘅蒜蓉韓式炒牛油飯，入邊有蝦有辣椒，飯口感非常煙韌，加上落咗牛油特別香滑！我哋叫咗蒜蓉忌廉汁蟹肉龍蝦肉意粉，意粉浸住非常creamy嘅忌廉汁,細滑香甜,配合蒜蓉嘅香氣非常有新鮮感，同樣意粉口感非常煙韌。鍾意食口感煙韌嘅朋友，千祈唔好錯過啊！扒類，我哋叫咗一個烤香草肉眼扒配芝士薯蓉，七成熟，塊扒肉質煙韌度恰到好處，肉質鮮嫩點埋醬汁，味道更加可口，側邊仲配有蒜頭俾我哋配嚟食更加香口，我特別覺得驚喜嘅係芝士薯蓉，芝士份量啱啱好配搭薯蓉一齊食覺得非常美味。另外澳洲羊架都非常唔錯，配搭左非常特別嘅綠色蒜蓉，加上上高有一個個紅色嘅配菜搭埋一齊，食落有小小酸甜開胃嘅感覺，而羊架烤得恰到好處完全沒有異味。最後，
首先，職員送我哋頭盤蒜蓉包，呢個包相當唔錯，軟硬度啱啱好，表面上塗滿左牛油但食落一啲都唔油膩。
餐廳都好多唔同款式嘅菜可以揀，我哋最後揀咗四款菜式，因為會進修到好晏。所以我哋三個人，食左一個麵，一個飯，一個牛扒，仲有羊肉。
我哋嗌左一個好特色嘅蒜蓉韓式炒牛油飯，入邊有蝦有辣椒，飯口感非常煙韌，加上落咗牛油特別香滑！我哋叫咗蒜蓉忌廉汁蟹肉龍蝦肉意粉，意粉浸住非常creamy嘅忌廉汁,細滑香甜,配合蒜蓉嘅香氣非常有新鮮感，同樣意粉口感非常煙韌。鍾意食口感煙韌嘅朋友，千祈唔好錯過啊！
扒類，我哋叫咗一個烤香草肉眼扒配芝士薯蓉，七成熟，塊扒肉質煙韌度恰到好處，肉質鮮嫩點埋醬汁，味道更加可口，側邊仲配有蒜頭俾我哋配嚟食更加香口，我特別覺得驚喜嘅係芝士薯蓉，芝士份量啱啱好配搭薯蓉一齊食覺得非常美味。
另外澳洲羊架都非常唔錯，配搭左非常特別嘅綠色蒜蓉，加上上高有一個個紅色嘅配菜搭埋一齊，食落有小小酸甜開胃嘅感覺，而羊架烤得恰到好處完全沒有異味。
最後，好欣賞呢間餐廳嘅服務，我哋無嗌野飲，佢俾我哋嘅水全部都有新鮮嘅檸檬味，職員服務體貼，當清水不足時，佢哋會即刻留意到幫我地加添。
張貼
