森壽司 (已結業)

近排太多嘢做，頹負能量又爆燈，決定自己一個食好西，集結多啲正能量開心下先得，我勁like食日本嘢尤其係壽司，就自己去食而且叫多啲，一於爭爆個肚。坐定定之後就叫咗一啲壽司、軍艦、刺身嚟食，包括有鐵火卷 (一客6件)，吞拿魚壽司、 立魚壽司、帶子壽司、蝦壽司、油甘魚壽司、 三文魚子軍艦、海膽軍艦 (各一件)，劍魚腩刺身 (一客兩切)。呢度嘅壽司師傅，搓壽司一直都好有手勢，尤其係啲壽司飯，搓到只會散喺口裹，唔會散喺手上面，味道係做得好好食，當然壽司上面嘅魚件係好新鮮嘅，鐵火卷做得味道一流，劍魚腩刺身本身就super好食啦。食飽肚之後正能量返曬嚟。