影片
更多
2008-11-17
雖然我唔太鐘意食放題，嫌好似要迫自己一次食好多野咁，但我男友鐘意，而且今次食lunch, 仲有一段時間可以俾自己消化，就算啦。好彩，今次的放題食得我好開心。首先講環境 - 呢度既環境唔錯，較闊落，同隔離枱有返段合理距離，有返多d privacy....雖然我地坐果枱隔離係班八婆，但我地都唔覺得好受滋擾。 -- 可能女仔對食的環境要求會高少少，我覺得食放題除左要抵食，個環境都好緊要。其次講上菜速度 - 呢度上菜既速度好快，完全冇漏單，可以你臨食之前先叫，唔使怕佢有排都唔到而叫定一大堆咁。跟住就係重點 - 登登登登~~~!!!! 野食啦！太公有以下推介：1. 魚生 - 雖然魚生款式唔多，但基本的三文魚、吞拿魚、甜蝦、墨魚、八爪魚、"魚立"魚，鱆紅魚都有；雖然唔係d絕佳之選，\算得上係"好"既水準 (好多地方我比 "中上"架咋); 三文魚同鱆紅魚更係好好；吞拿魚一般左d, 而佢的甜蛋....恐怕係成碟魚生中最唔好食的，蛋味不夠濃，我整果d好食好多，千祈唔好叫。(同埋佢切的厚度係剛剛好，唔太厚又唔太薄，食到個鮮味的)2. 燒物 - 佢個蒜片燒西冷係勁正，連我呢d唔太鐘意食牛既人都覺得好味；生熟
好彩，今次的放題食得我好開心。
首先講環境 - 呢度既環境唔錯，較闊落，同隔離枱有返段合理距離，有返多d privacy....雖然我地坐果枱隔離係班八婆，但我地都唔覺得好受滋擾。 -- 可能女仔對食的環境要求會高少少，我覺得食放題除左要抵食，個環境都好緊要。
其次講上菜速度 - 呢度上菜既速度好快，完全冇漏單，可以你臨食之前先叫，唔使怕佢有排都唔到而叫定一大堆咁。
跟住就係重點 - 登登登登~~~!!!! 野食啦！太公有以下推介：
1. 魚生 - 雖然魚生款式唔多，但基本的三文魚、吞拿魚、甜蝦、墨魚、八爪魚、"魚立"魚，鱆紅魚都有；雖然唔係d絕佳之選，\算得上係"好"既水準 (好多地方我比 "中上"架咋); 三文魚同鱆紅魚更係好好；吞拿魚一般左d, 而佢的甜蛋....恐怕係成碟魚生中最唔好食的，蛋味不夠濃，我整果d好食好多，千祈唔好叫。(同埋佢切的厚度係剛剛好，唔太厚又唔太薄，食到個鮮味的)
2. 燒物 - 佢個蒜片燒西冷係勁正，連我呢d唔太鐘意食牛既人都覺得好味；生熟剛好，咬落去好有肉汁；另外，佢個燒鯖魚都好好，唔乾。燒青口都ok, 不過有沙律醬在上面，有d漏。個薄片牛肉就差少少，d牛肉係好一般的肥牛做，嗜牛肉者，不如吃蒜片燒西冷好過。
3. 炸物 -- 其實佢d天婦羅好ok，一來新鮮送上，用料又新鮮 (特別係炸蝦)，而且個漿好好味；雖然睇落好似有d厚，但食落好鬆化，同d料配得剛好，完全唔覺厚。仲有，會俾埋蘿蔔蓉俾你配天婦羅汁食，方便消滯。
4. 料理 - 由於我地主攻魚生同燒物，料理叫得唔多，只係叫左個章魚小丸子同大阪燒餅；其實做得唔差的，特別係章魚小丸子，好有質素。而且唔係話見你叫d飽肚野就成大件送黎你度，個size都算reasonable的。之始終呢d都係飽肚食物，如果你只係兩、三個人黎幫襯，就最好食返少d, 二選其一我覺得章魚小丸子係可以輕嚐一粒之選
至於壽司/ 手卷呢.... 我地冇食壽司，男友食左吞拿魚腩手卷；手卷就唔多ok, 最出事的係紫菜，太淋；同埋個餸比例太少。
要數成個lunch最差的，其實係佢最後埋單時送上的甜品 - cheesecake (應該係new york)......佢整果時，放左太多魚膠粉落果d軟芝士入面，攪到成個cake芝士味不足，口感又似啫哩，好怪！如果下次有機會食，先問下佢個甜品係咩，如果係cheesecake, 不吃也罷 - 雖然唔使錢，但都唔好浪費食物。
我男朋友嫌呢度冇得任叫汽水飲；我反而冇咩所謂，食日本野原本就唔係配汽水食的，況且一罐汽水咁肥，我只可以俾呢個"一日一罐"的quota俾我最愛的"沙示"汽水，要不就係d無糖coka cola...不過呢兩樣，通常有得任飲的地方都唔會有。
整體黎講，我覺得呢度係唔錯的一個放題選擇，佢整得好用心，d食野同個環境出黎的效果係一d較高級日式料理的質素；莫講話午市只需$148(加埋一百六蚊度), 就算晚市要差唔多$200, 我都覺得抵 - 雖然，我強烈建議食午市， -- 始終年紀唔細，仲夜媽媽食咁多野，好易肥的....
張貼
