影片
更多
2017-09-02
914 瀏覽
星期五晚，五人飯聚。朋友X話呢間幾得意想試。我同朋友H早左15分鐘到，一樓晚飯未有檯，侍應哥哥安排我地先坐地下嗰層坐二人檯飲住野先，但其實時間差唔多，我地唔想叫完或者飲飲下要搬上去，而且地下嗰層幾嘈，如果飲野溝女係幾好嘅，我個人老餅唔鍾意啫。睇緊menu嘅時候，我地陸續齊人，另外三個朋友XYZ唯有企喺我地張檯度，好礙眼。喺咁嘅情況下，無耐侍應哥哥話樓上有位。上層懷舊茶記 x 大排擋格局，再睇睇menu，全部菜名都玩食字，明顯係一半食gimmick 一半食野。講返食物方面，去Lee Lo Mei 梗係食佢個滷味啦。侍應哥哥上呢碟果陣，好努力介紹，又西班牙黑毛豬豬耳，又土耳其火雞腎，又唔記得邊度嘅墨魚，總之好勁喇！ 金雞藏鮑，雞翼裡面包住隻鮑魚仔，仲夾雜少少糯米飯，sell 精緻貴氣。倒瀉羅蟹，炸蟹肉球本身無特別，上面啲脆脆同櫻花蝦撈下面啲薯蓉幾好味。黑面魷魚，黑色嘅唔係墨汁係木炭煮茄子，唔識形容個味道，唔難食，但唔係出色。8鮮過海 · 點紅點綠即海鮮煲仔飯，但調味就比較西式，玩 fusion。啲海鮮好足料，餸多過飯，我諗飯偏少係想造到飯焦效果。鹽焗有米雞因爲需時整，最後上檯，話明有米，
我同朋友H早左15分鐘到，一樓晚飯未有檯，侍應哥哥安排我地先坐地下嗰層坐二人檯飲住野先，但其實時間差唔多，我地唔想叫完或者飲飲下要搬上去，而且地下嗰層幾嘈，如果飲野溝女係幾好嘅，我個人老餅唔鍾意啫。睇緊menu嘅時候，我地陸續齊人，另外三個朋友XYZ唯有企喺我地張檯度，好礙眼。喺咁嘅情況下，無耐侍應哥哥話樓上有位。
上層懷舊茶記 x 大排擋格局，再睇睇menu，全部菜名都玩食字，明顯係一半食gimmick 一半食野。
講返食物方面，去Lee Lo Mei 梗係食佢個滷味啦。侍應哥哥上呢碟果陣，好努力介紹，又西班牙黑毛豬豬耳，又土耳其火雞腎，又唔記得邊度嘅墨魚，總之好勁喇！
金雞藏鮑，雞翼裡面包住隻鮑魚仔，仲夾雜少少糯米飯，sell 精緻貴氣。
倒瀉羅蟹，炸蟹肉球本身無特別，上面啲脆脆同櫻花蝦撈下面啲薯蓉幾好味。
黑面魷魚，黑色嘅唔係墨汁係木炭煮茄子，唔識形容個味道，唔難食，但唔係出色。
8鮮過海 · 點紅點綠即海鮮煲仔飯，但調味就比較西式，玩 fusion。啲海鮮好足料，餸多過飯，我諗飯偏少係想造到飯焦效果。
鹽焗有米雞因爲需時整，最後上檯，話明有米，當然隻雞入面有飯，仲有一隻鮑魚增加有米感。啲飯好夠味，可能因為要隻雞夠味。
樣樣都有特色嘅，但我地個個都係餓底，而呢度碟碟都幾精緻，食完雖則唔肚餓，都唔可以叫飽。我地無再叫，反而轉場 round 2！
張貼
