台灣ET鹽水雞

營業中

休息中

去旺中睇下有咩適合低碳嘅我。見到呢間鹽水雞，其實有好多分店，但係一直都未試過。見到啲嘢食都幾啱食，有菜有雞，所以決定試下啦。48元一款雞肉，三款配菜， 價錢都可接受。我揀咗雞髀肉、西蘭花、椰菜同小黃瓜，走辣。因為我唔食得辣嘅，見住佢落咗一大羮粉，本身唔知係咩粉嚟嘅，心諗會唔會係落味精，定係落雞粉呢。隔咗一日先食，肉質都可以， 菜都係爽脆嘅。味道唔算好咸。不過食完就開始feel到『奶嘢啦』 因為勁大浸蒜味喺個口度，已經狂飲水，但係一個鐘之後嗰陣蒜味都仲係口度， 揮之不去。原來嗰羮嘢係蒜粉。最尾要食一粒朱古力先可以蓋過嗰浸蒜味，而家諗起都有啲驚。