影片
更多
2024-09-01
777 瀏覽
別忘了今次要介紹喺天水圍天耀廣場入面又一間台式餐廳叫「別忘了」，入到去餐廳我坐喺一幅好有詩情畫意嘅牆隔離，牆上寫住「別忘了是一個連接回憶的地方，你未必曾在這裏留下回憶，但你會在這裏勾起，一些回憶及留下一些新回憶 」，未嚟過「別忘了」呢間餐廳就要試試留下咩新回憶，除咗食物味道回憶，我仲打破咗同兩位陌生女仔傾計回憶，見到有幾台座位旁邊都會有櫻花樹裝飾品，我就同兩個女仔講：「唔好意思，我想影櫻花樹，你哋低下頭幾秒就得啦，唔該哂」，我個新回憶就係咁，而你哋呢？！1.豬扒蕃茄米線+檸檬綠茶$62（9/10）呢個豬扒蕃茄米線個豬扒好大塊，大塊到差唔多有成人手掌咁大，豬扒炸得好酥脆，炸粉唔算厚，米粉夠滑煮得夠淋，湯底唔會太酸有蕃茄味，爭少少就係如果有蕃茄果肉就好！飲品就揀咗檸檬綠茶，呢杯檸檬綠茶係套餐包埋，唔洗加錢！2.招牌牛肉麵+檸檬紅茶$72（8.5/10）呢個招牌牛肉麵份量都幾多，配料有2好大舊有少少韌嘅牛腩、5舊薄切嘅牛肚、2大舊好有骨膠原嘅牛筋同1粒好彈牙嘅牛丸，麵嘅口感似烏冬，湯底顏色雖然濃，但無咩味道！飲品就揀咗檸檬紅茶，呢杯檸檬紅茶係套餐包埋，唔洗加錢！3.台式小食拼盤（鹽酥雞、春捲
今次要介紹喺天水圍天耀廣場入面又一間台式餐廳叫「別忘了」，入到去餐廳我坐喺一幅好有詩情畫意嘅牆隔離，牆上寫住「別忘了是一個連接回憶的地方，你未必曾在這裏留下回憶，但你會在這裏勾起，一些回憶及留下一些新回憶 」，未嚟過「別忘了」呢間餐廳就要試試留下咩新回憶，除咗食物味道回憶，我仲打破咗同兩位陌生女仔傾計回憶，見到有幾台座位旁邊都會有櫻花樹裝飾品，我就同兩個女仔講：「唔好意思，我想影櫻花樹，你哋低下頭幾秒就得啦，唔該哂」，我個新回憶就係咁，而你哋呢？！
1.豬扒蕃茄米線+檸檬綠茶$62（9/10）
呢個豬扒蕃茄米線個豬扒好大塊，大塊到差唔多有成人手掌咁大，豬扒炸得好酥脆，炸粉唔算厚，米粉夠滑煮得夠淋，湯底唔會太酸有蕃茄味，爭少少就係如果有蕃茄果肉就好！
飲品就揀咗檸檬綠茶，呢杯檸檬綠茶係套餐包埋，唔洗加錢！
2.招牌牛肉麵+檸檬紅茶$72（8.5/10）
呢個招牌牛肉麵份量都幾多，配料有2好大舊有少少韌嘅牛腩、5舊薄切嘅牛肚、2大舊好有骨膠原嘅牛筋同1粒好彈牙嘅牛丸，麵嘅口感似烏冬，湯底顏色雖然濃，但無咩味道！
飲品就揀咗檸檬紅茶，呢杯檸檬紅茶係套餐包埋，唔洗加錢！
3.台式小食拼盤（鹽酥雞、春捲2件、炸蕃薯條）$38+珍珠奶茶$10（9.5/10）
呢個台式小食拼盤喺下午茶叫非常抵食，小食拼盤入面包括有大約6舊有少少鹹嘅鹽酥雞，咬落好香脆同juicy，春捲有2件，每件春卷都炸得好香好脆，呢個係素春捲，入面勁多蔬菜，最後仲有大約有10條勁香勁脆嘅炸番薯條！
飲品仲可以加$10揀珍珠奶茶，珍珠奶茶原價一杯都要$23，珍珠奶茶味道比較淡，無咩甜味，珍珠就好煙韌，整體呢杯珍珠奶茶好健康！
2人總共價錢$182
個人口味總評分：9/10
@dontforget_hk
地址：天水圍天湖路2號天耀廣場LG1樓LG15-16號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#別忘了 #天水圍 #天水圍好去處 #天水圍美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
