高興+ (已結業)

收工都八點幾，諗住係附近搵間餐廳，見裝潢幾靚就入去啦，開始都幾滿意，點知嘢食嚟到就出事喇。首先嚟咗個炸魚薯條，未食過咁難食嘅薯條，又乾又硬，咬落去好似食硬餅乾咁，條條都好似番炸再番炸咁。個魚仲衰，見到佢深啡色都冇好感，個邊炸到乾哂，塊皮得個硬字唔脆，佢啲嘢都好唔新鮮下。海鮮risotto係我哋嘅主食，普普通通，幾粒青口幾粒蝦幾粒接近燶嘅蜆仔。然後大佬嚟喇，百幾蚊嘅檸檬烤雞，再一次打破我對劣食嘅底線。首先個醬料醃得勁差，好酸。其次隻冰鮮雞烤得勁乾，一啲肉汁都冇，食到一半冇辦法食落去。三舊水食啲咁差嘅嘢，好唔抵，食完冇happiness。