影片
更多
2019-07-02
194 瀏覽
本來打算同朋友完成遊行後去食Goobne Chicken，但又醒起之前同另一位係中環食過一間好好食嘅印度菜，加上係我第一次食印度菜，所以印象特別深刻😊由於對中環地形唔太熟悉，所以好傻咁行返落地鐵站A出口出返地面行去餐廳🤣侍應安排我哋坐係冷氣機風口位，應該係見我哋好似好熱咁，一坐低即刻成個人舒服哂，冷氣超級涼快👍🏻同朋友坐係度研究咗十分鐘餐牌，因為實在太多嘢想試啦😆而由於本人唔食羊肉嘅關係，所以揀菜式嘅難度又高咗少少💁♀最後點咗上次食過嘅奶油咖哩雞、白腰果汁魚柳 (大推!)、芝士薯茸丸、乳酪naan、奶油naan、烤麥餅同兩杯飲品兩杯飲品分別係叫左mango lassi同fruit punch，奇怪地朋友話佢杯mango lassi唔算太甜 (因為以我哋所知印度人嘅飲品都甜品嘅甜度係超乎你想像😱)，而我杯Fruit punch就如我想像中偏甜，而味道同平時飲開嘅一樣，無加添任何印度特色👍🏻都坐咗大約15分鐘，食物終於上枱🙇♂我哋見到有三碟咖哩覺得好奇怪，因為我哋只係點咗兩碟咖哩同埋一碟薯茸丸....突然忽發奇想，會唔會其中一碟就係芝士薯茸丸?!🙈果然，切開其中一粒真係薯茸丸，等我哋一
由於對中環地形唔太熟悉，所以好傻咁行返落地鐵站A出口出返地面行去餐廳🤣
侍應安排我哋坐係冷氣機風口位，應該係見我哋好似好熱咁，一坐低即刻成個人舒服哂，冷氣超級涼快👍🏻
同朋友坐係度研究咗十分鐘餐牌，因為實在太多嘢想試啦😆
而由於本人唔食羊肉嘅關係，所以揀菜式嘅難度又高咗少少💁♀
最後點咗上次食過嘅奶油咖哩雞、白腰果汁魚柳 (大推!)、芝士薯茸丸、乳酪naan、奶油naan、烤麥餅同兩杯飲品
兩杯飲品分別係叫左mango lassi同fruit punch，奇怪地朋友話佢杯mango lassi唔算太甜 (因為以我哋所知印度人嘅飲品都甜品嘅甜度係超乎你想像😱)，而我杯Fruit punch就如我想像中偏甜，而味道同平時飲開嘅一樣，無加添任何印度特色👍🏻
都坐咗大約15分鐘，食物終於上枱🙇♂
我哋見到有三碟咖哩覺得好奇怪，因為我哋只係點咗兩碟咖哩同埋一碟薯茸丸....突然忽發奇想，會唔會其中一碟就係芝士薯茸丸?!🙈
果然，切開其中一粒真係薯茸丸，等我哋一直以為芝士薯茸丸係炸物黎🤣
呢個芝士薯茸丸醬汁味道偏甜，帶有濃郁芝士味。而薯茸丸質地偏軟身，薯茸混有香草，一碟三件，份量比較少。
白腰果汁魚柳就一碟有大約六粒魚柳 (佢係切細細粒長方形狀)，醬汁同樣係偏甜而帶有果仁香味，比起芝士薯茸丸我更加喜歡呢個汁！❤
奶油咖哩雞多咗一份辣味，但對於唔食得辣嘅我黎講係完全可以接受到，反而令這道菜更加惹味，顏色亦較其餘兩道菜更加深色。雞肉份量適中，係不帶皮嘅淨雞肉，肉質較實但唔鞋口。
而三份烤餅都係新鮮熱辣即叫即造，最好食仍然係我最喜歡嘅乳酪naan，烤餅內餡夾有濃濃的芝士，基本上沾任何醬汁都同樣合適
奶油naan就比較普通，食唔出奶油味道，但只要係新鮮製造都好難唔好食
烤麥餅就同naan唔同，佢係屬於乾身而略脆嘅質感，麥味超級濃郁，未放入口已經聞到，同樣都係好好食嘅一款烤餅。
食完之後大家都超飽，因為佢哋嘅烤餅實在太好食，好難唔叫多兩款黎試👍🏻👍🏻
寫到呢度我又想去食佢哋嘅烤餅啦，經openrice訂座仲有8折，快快手約朋友再食過先！
奶油咖哩雞
9 瀏覽
0 讚好
0 留言
張貼
