村爺爺車仔麵 (已搬遷) 新店位置

原本想去試村爺爺龍蝦泡飯，去到見到排隊條人龍長到轉哂彎，真係唔想排，所以轉戰村爺爺車仔麵，反正都係有龍蝦湯。龍蝦伊麵，湯底龍蝦味濃，配伊麵根本就係絕配，半隻龍蝦都算大隻，食店有提供拆龍蝦嘅鉗同濕紙巾，非常貼心。可惜，店內不停播介紹食店嘅訪問，當提到龍蝦湯係用咗大量龍蝦殼去煲，所以特別濃味，但我即刻諗，大量龍蝦殼喺邊度搵，即時覺得好驚。 由於叫$58龍蝦伊麵一定最少加多兩樣餸，牛筋冧又入味，牛肋條就普通。一碗車仔麵要$80，抵唔抵就見仁見智啦。