影片
更多
2021-06-14
1246 瀏覽
食完之後睇返呢間餐廳嘅食評，我食嘅嘢都同之前嘅人食嘅差唔多。係大約$400一位嘅菜單前菜有炸魚皮，係淋嘅，同左職員講魚皮冧咗叫佢收走，佢都冇話表示換過一碟俾你，亦都冇話講句唔好意思，做私房菜單咁嘅態度有啲奇怪。但係我唔係評論佢嘅服務，除咗呢一樣嘢，佢其他嘅服務都ok，感覺到係有誠意做好盤生意嗰種。好可惜佢嘅食物水準真係好普通。豉油雞係幾滑，但係唔入味，腸粉點豉油就係腸粉點咗甜豉油嘅味，冇其他食評講到咁出色，腸粉都好明顯係交貨嘅普通腸粉。叉燒就同普通燒臘檔嘅叉燒一樣，太瘦太甜，同好食有好遠嘅距離，我都食過好多好食嘅叉燒，呢碟真係唔入流。蟹飯就淨係食咗啲飯，蟹…..唔知可以點食，而且睇個樣都知冇肉食。全餐飯最值錢嘅就係有一粒細細的鮑魚，9孔鮑，即係街市$100 有10 隻，自助餐任食果啲。有個泡沫龍蝦湯，算係唔錯，一人一杯，類似Cappuccino咁。其實真係要睇返相先至諗起自己食過啲咩，因為冇一樣食物係出色到你會記得，亦都冇一樣食物係會令到你想再去幫襯。其實食物同埋服務都唔算話差，如果呢餐飯係$200嘅話。$400 就…….環境，絕對係坐得一啲都唔舒服，店舖好細，唔夠冷氣，全部都係四人枱
係大約$400一位嘅菜單
前菜有炸魚皮，係淋嘅，同左職員講魚皮冧咗叫佢收走，佢都冇話表示換過一碟俾你，亦都冇話講句唔好意思，做私房菜單咁嘅態度有啲奇怪。
但係我唔係評論佢嘅服務，除咗呢一樣嘢，佢其他嘅服務都ok，感覺到係有誠意做好盤生意嗰種。
好可惜佢嘅食物水準真係好普通。
豉油雞係幾滑，但係唔入味，腸粉點豉油就係腸粉點咗甜豉油嘅味，冇其他食評講到咁出色，腸粉都好明顯係交貨嘅普通腸粉。
叉燒就同普通燒臘檔嘅叉燒一樣，太瘦太甜，同好食有好遠嘅距離，我都食過好多好食嘅叉燒，呢碟真係唔入流。
蟹飯就淨係食咗啲飯，蟹…..唔知可以點食，而且睇個樣都知冇肉食。
全餐飯最值錢嘅就係有一粒細細的鮑魚，9孔鮑，即係街市$100 有10 隻，自助餐任食果啲。
有個泡沫龍蝦湯，算係唔錯，一人一杯，類似Cappuccino咁。
其實真係要睇返相先至諗起自己食過啲咩，因為冇一樣食物係出色到你會記得，亦都冇一樣食物係會令到你想再去幫襯。
其實食物同埋服務都唔算話差，如果呢餐飯係$200嘅話。$400 就…….
環境，絕對係坐得一啲都唔舒服，店舖好細，唔夠冷氣，全部都係四人枱，側面就一條窄窄嘅通道。
結論：性價比好低，唔需要用咁嘅價錢食叉燒油雞，黃酒煮雞蛋同埋炸魚皮。
張貼
