Eiffel Bistro (已結業)

餐廳喺港島東商業區. 太古城住宅嘅地下. 主要都係做附近商業大廈上班族嘅生意. 格局好似蘇豪區嘅酒吧餐廳. 中午做高價午餐. 夜晚做酒吧.佢嘅午餐其實都唔平. 不過水準非常穩定. 環境幾好.首先係個湯. 呢間餐廳嘅午餐餐湯我一向都麻麻哋. 今次賣相一般. 有薑.主菜係牛扒. Hanger Steak. 我叫咗五成熟. 表面煎得好香. 肉質嫩滑. 唔會太肥或者太瘦. 佢個黃色醬好獨特. 應該係加咗少少芥茉. 配牛扒一流. 午餐仲包餐飲. 我叫咗熱咖啡.