王子廚房

營業中

休息中

今日再嚟王子廚房食午餐，今次試食「土耳其雞肉烤肉卷」同「印度咖喱牛肉配烤餅」。因為朋友唔食羊，所以叫咗土耳其雞肉烤卷，食後始終覺得羊肉好味啲。另外印度咖喱牛肉配烤餅，咖喱對我來講辣度適中，嗜辣可能會嫌唔夠辣，咖喱汁加上烤餅，真係好惹味，如果多啲烤餅就更開心。本身一坐低就會奉上餐湯，上次較稀無乜印象，今次類似雞肉磨菇湯，反而濃滑好味。本來想試香蕉拉西，但靚女店員話今日無哂，所以又飲返芒果拉西，配咖喱啱啱好。今日得一個靚女職員，雖然得佢一個，但佢做嘢好快手，一眼關七，好醒目睇到我哋要合照，幾忙都走過嚟幫我哋影相。見到人哋食印度烤雞沙律，賣相好靚，下次要試吓。