沙田頭火鍋 (已結業)

香港人四季都打邊爐, 我都唔例外, 近來發現一間新開既港式火鍋,睇佢招牌同裝潢都有種懷舊味, 原本冇抱好大期望, 但食完出黎真係另眼相看。芫茜皮蛋+川味麻辣鴛鴦鍋一清一辣, 港式火鍋既必點組合。湯一滾, 麻辣味勁香! 另外芫茜皮蛋都足料味濃。最令我驚喜既一定係依度既手工野, 唔係得個名。 自家手打丸拼盤鯪魚丸, 墨魚丸, 蝦丸同埋手打牛丸, 一咬落去就知真材實料, 好彈牙好實在, 而且食材本身味道加倍突出, 係真正手打先做到!全部都好好食。珊瑚花枝丸見佢D丸咁出色, 再叫左個好似好特別既珊瑚花枝丸, 除左手打墨魚外, 仲加入左珊瑚蚌, 入口估唔到除左墨魚香之外, 珊瑚蚌既鮮味可以咁突出, 而且佢帶有爽脆口感, 味道同口感都好好, 出面食唔到!四寶餃最中意係黃金蛋包餃, 入面全部都係鮮蝦,口感同蝦鮮味都好出! 另外仲有韮菜餃, 鮮蝦雲吞, 鳳城水餃全部大SIZE, 皮薄得黎唔易爛, 餡料飽滿, 勁高質。三秒脆響鈴打邊爐點可以冇響鈴! 依度既響鈴係新鮮炸, 鬆脆口感係即炸先做到。而且豆味亦好香, 浸三秒落湯, perfect!!牛小排一睇都知靚牛, 雪花又多又均勻, 有厚度, 入口牛味極香