翡翠拉麵小籠包

營業中

休息中

今日想食炸醬麵，於是決定去翡翠拉麵，因為係開門無耐，所以好快有位，不過用餐時間只有一小時零15分鐘，所以記得等人齊先好入喇。每次例牌都係叫炸醬麵、小籠包、鍋貼、紅油抄手同酸辣湯麵嘅。小籠包唔係好夠熱，不過依然係皮薄，裏面有湯，所以夾嘅時候要好小心，唔好整穿。鍋貼好大個，裏面好多肉好飽滿，加啲醋就好惹味。炸醬麵嘅醬好濃郁，係其他鋪頭食唔到既，所以每次想食炸醬麵嘅話，一定要你黎翡翠拉麵。紅油抄手皮薄，索晒啲辣油，所以食落辣辣地，好惹味。酸辣湯麵又酸又辣，好大碗，食完都好飽啦。