影片
更多
2010-11-17
58 瀏覽
事發經過今日同親戚影畢業相, 一行16人, 諗住近近地影完去城軒酒樓度食, 點知就破壞左我地成日ge興致!! 親戚先去搵位, 不嬲我地之前都係食開8樓, 唔知做乜今次比人安排左上9樓staff lounge, 9樓似乎無中式廚房, d食物全部都係8樓運上黎, 我地去到叫左廿幾籠點心, 3碟炒粉麵同5,6碟小食, 我親戚叫佢唔好一次過上哂, 怕佢擺到無位擺, 點知就死得啦, 開頭幾個字都無野上黎, 之後上左3碟小食, 係完全唔夠16個人分, 然後過多陣每隔5-10分鐘度先食1-3籠點心或者一碟炒粉麵, 總之次次都唔可以全部人一齊起筷!!!!!中途我已經同呀姐講"唔該d野上快d", 佢好唔滿意咁"嗯"一聲, 正眼都無望過我, 個次之後都係隔左勁耐先上幾碟野!!後黎坐左個幾鐘, 先黎左3碟炒粉麵, 全部小食同埋5籠點心, 我地叫左廿幾籠佢只係上左5籠, 淨係上左燒賣同粉果, d流沙包呀千層糕呀全部影都唔見!!!我地個個已經等到呆哂, 個肚次次食得少少, 根本好似完全無食過野咁!!!我地就催下佢, 點知佢print左張單出黎, 個部長叫我地自己剔返有咩黎過, 如果未黎又唔想要就幫我地cance
今日同親戚影畢業相, 一行16人, 諗住近近地影完去城軒酒樓度食, 點知就破壞左我地成日ge興致!!
親戚先去搵位, 不嬲我地之前都係食開8樓, 唔知做乜今次比人安排左上9樓staff lounge, 9樓似乎無中式廚房, d食物全部都係8樓運上黎, 我地去到叫左廿幾籠點心, 3碟炒粉麵同5,6碟小食, 我親戚叫佢唔好一次過上哂, 怕佢擺到無位擺, 點知就死得啦, 開頭幾個字都無野上黎, 之後上左3碟小食, 係完全唔夠16個人分, 然後過多陣每隔5-10分鐘度先食1-3籠點心或者一碟炒粉麵, 總之次次都唔可以全部人一齊起筷!!!!!
中途我已經同呀姐講"唔該d野上快d", 佢好唔滿意咁"嗯"一聲, 正眼都無望過我, 個次之後都係隔左勁耐先上幾碟野!!
後黎坐左個幾鐘, 先黎左3碟炒粉麵, 全部小食同埋5籠點心, 我地叫左廿幾籠佢只係上左5籠, 淨係上左燒賣同粉果, d流沙包呀千層糕呀全部影都唔見!!!我地個個已經等到呆哂, 個肚次次食得少少, 根本好似完全無食過野咁!!!我地就催下佢, 點知佢print左張單出黎, 個部長叫我地自己剔返有咩黎過, 如果未黎又唔想要就幫我地cancel左佢!!!我地剔完之後發覺大部份點心都無黎到, 大家都話食到無癮, 於是全部cancel哂所有未黎既點心就想買單
點知等等下有位中年男侍應拎住一棟差唔多8-10籠既點心過黎, 我地話已經cut哂order la wor, 佢話"廚房出左啦喎, 因為要係8樓運上黎先遲d", 真係超過份!!我地話唔要!!等左咁耐, 單都cut埋, 而家先送上黎, 個個都無癮食啦, 佢話係八樓廚房送上黎需要d時間, 我地話有無搞錯呀, 係八樓送上黎送半個鐘都未到, 而家唔要啦, 佢就好唔滿意咁同部長講"佢地話唔要喎", 部長就過黎, 叫我地唔多唔少都要d la, 我地好嬲咁話唔要, 佢都即刻話"唔好咁激動, 都係黎食野je, 咁我幫你cut左佢啦"
之後等買單都等左成3個字, 係個個都唔飽既情況之下食左大概$590, 以佢ge食物質素同服務質素黎講都係絕對唔值!!!
不滿
1. 沖茶的水, 不滾的, 充其量只叫熱水不叫滾水
2. 所有上檯的食物都唔係熱的, 充其量只叫暖, 甚至有d係涼既
3. 城軒出品既食物一向味道麻麻, 我今日所食的更加一般, 傳說中好食既流沙包叫左3籠, 1個都睇唔到, 叫左個炒粉絲米粉, 乾到嘔, 雖然大家都餓但最後都食淨左
4. d野食黎左係張單度完全無蓋印, 最後仲要我地自己剔返有咩黎左有咩未黎, 下!!有咩黎過你地自己唔知既咩??!仲要我講返比你聽呀??係咪做生意架??!成間酒樓比我既感覺係完全無系統!!
5. 上食物的速度奇慢, 次次d野黎到就即刻清哂, 因為大家都好肚餓, 然後又繼續等下一輪唔知幾時先到既野食, 好似配給咁囉陰功!!如上文所講, 無一次係16人同時間一齊食野, 因為野食根本就唔夠分!!
6. 部長都講明幫我地cut order, 最尾黎既點心亦都同佢話左唔要, 佢仲夠膽死同我地講蒸左啦, 叫我地唔多唔要都要d!!!做善事呀??!多多益善少少無拘呀?!?
7. 買單都等左3,4個字, 全部人呆哂咁係度等!!我真係唔知佢點做生意, 平時去酒樓飲茶都係比少少貼士, 呢度真係佢比返我就差唔多!!
8. 服務態度奇差,臨走既時候個中年男侍應一直啤住我!!而家我做錯野呀??!咩服務態度呀!!!!!!
建議
各位畢業生如果影完相想飲茶千祈唔好去城軒!!寧願貴少少去又一城好過搞到d親戚朋友全部都一肚氣!!
呢間野真係一次都比多佢!!以後我寧願食少一餐都唔會再去!!
張貼