冰瀛茶座 (已結業)

今朝去荃灣搞啲嘢，一諗起晏晝想食乜嘢，知道我朋友開咗呢間餐廳，於是乎我就約埋其他朋友一齊去試，試完之後，我覺得係值得推薦👍😮去到呢間餐廳之後，選擇都幾多下，價錢都較親民，據了解呢間丼飯同炒飯賣相都唔差，加錢有凍飲，同時仲有一碗冇味精嘅例湯，感覺上真係正，依家事不宜遲去介紹👍首先，我就叫咗杯凍咖啡，跟住附送一碗冇味精嘅例湯跟住我同其他朋友叫咗唔同嘅丼飯，而我就叫咗一個炒飯，而家我就逐一介紹：其中一個朋友叫咗滑蛋燒牛肉丼飯，仲有一杯凍嘅檸檬茶，呢一碗係真係完全嘅照燒牛肉，滑蛋都煮得唔差，食落去係真係有口感😮而另外一個朋友就叫咗吉列豬扒滑蛋丼飯，要留意吉列豬扒炸得好脆，仲有個沙律醬係另上，個賣相都唔差㗎😊跟住我就叫咗一碗鮑魚炒飯，呢個係一個特色，就係有隻鮑魚放喺炒飯度（上面），既可以增加賣相，亦都可以增加味覺感😁總括而言，不論丼飯、炒飯或例湯，個賣相係相當吸引，食完之後都唔係好咸，可以話係真心推薦👍