傷心酸辣粉 (已結業)

平時依到都爆哂人嫁,不過時間都算尚早，所以唔洗我地點等位。今次就叫左一個口水雞套餐同埋蒜泥白肉套餐加一個酸辣粉,兩個人食好彩多左少少。叫既時候，佢咁岩問我地要咩辣度。因為朋友唔係太食得辣，佢就知道依到有一個叫BB辣既東西，所以佢就叫左依個,而我都配合佢喇。過左一陣酸辣粉好快就已經黎到,我幾鍾意佢個麵，因為佢幾煙韌。同埋熱辣辣，都幾野味,平時唔太食酸野,不過依個都唔錯。之後就到口水雞,之前都係食熱既,今次係凍,感覺都唔錯,其實我都唔知凍定熱先係正常。賣相都真係吸引,因為個層油就覺得佢幾好味,原來都唔錯,夠香,雪左個肉都幾好咬,唔會太差。最後就係蒜泥白肉，有一層好厚既醬係白肉既面。醬比較濃，所以滲唔到去D肉到,不過佢D蒜味好濃,幾好味,整體都唔錯,不過平時都算多人食,所以早D黎會方便D。