8鍋臭臭鍋 (金巴利道) (已結業)

之前夜晚經過見到大排長龍，就諗住搵日晏晝食唔使排隊。星期日下午雖然唔使排，但都有唔少人食，果然係人氣食店。有九個鍋任揀，我就揀左黑麻油雞鍋，友人就分別揀左招牌臭臭鍋同香蒜牛肉鍋。我地另外單點左啲小食同配料。黑麻油雞鍋 - 味道清淡，麻油味唔夠重，食材好豐富，雞肉嫩滑，唔錯！香蒜牛肉鍋 - 好香濃蒜味，蒜控友人大推！招牌臭臭鍋 - 友人叫左唔辣，仍無損臭臭鍋嘅「臭味」😆臭豆腐無經油炸，好特別！一人一鍋，各自打理。每鍋都跟一個主食，我地都要左粉絲。為左防止粉絲發漲，煮左一分鐘就上碟，少少爽好食好多。追加豬紅，本身已經煮熟左，少少辣好惹味！追加安格斯牛肉片，好香牛味🧡追加花枝丸，彈牙！臭豆腐真係好臭，同埋有啲辣。