小店 (已結業)

食甜品會令人產生快樂嘅感覺,但此店嘅甜品比想像嘅差,食過後,令人心情不佳.甜品賣相同餐牌嘅圖片相差太遠,有啲欺騙顧客嘅感覺.味道又差,幫襯後想心情好都幾難.詳細介紹如下:蘋果撻配芒果雪糕味道同口感都嘛嘛，蘋果嘅酥皮唔夠鬆化，好韌．同埋蘋果餡又少．芒果雪糕好多雪粒唔夠滑，這個甜品偷工減料得好緊要．焗芝士撻配芝麻雪糕，芝士味同芝麻味都唔夠香濃，撻底唔鬆脆，味道同口感都好差．cat cake配豆腐雪糕味道唔好，質感好實又過甜．豆腐雪糕冇豆味．總括嚟講，質素同味道得半成，價錢收十足，全部甜品偷工減料，唔係太值，想我去多次都難．