影片
更多
2017-01-22
557 瀏覽
邊鬼個話新鮮，食完想嘔（反胃），完全失望。我個人本身都鍾意食日本野，今次又俾新假期呃過去試，一入到去，員工心散吹水不在話下，長枱設計叫兩個人明明坐對面都好似分隔好遠咁。好彩風口位又涷又唔舒服忍唔住叫換位先有個卡位，如果唔係就有人係我地食緊野期間做paper work數紙仔。一睇餐牌，午市同本身個menu一毛樣，價錢又相同，都唔明套咩餐。唉，一野算照落單，一個三號火山丼一個六號三色海膽丼加多份燒魷魚。一坐低個所謂沙律，求其俾佳寶質素既碟仔中華沙律就算。一黎，火山丼，中間個吞拿魚蓉好似免治豬肉咁，口感其怪，我都知尼個價想條吞拿魚有幾靚，之後，我都知三文魚存放得耐，都唔好俾我覺得你係咁落孖七同出哂魚油。仲唔知放兩包四洲紫菜係度唔知做咩，完全低成本。個白味噌湯唔洗講木魚水都同你慳返，打個雜菜湯加吸水豆腐粒，尼樣已經係算正常既野。再黎，海膽丼，三款海膽，由小到大，紫海膽已經怪怪地少少臭既餘韻，馬糞海膽都叫接受到清得黎少甜，到個加拿大海膽就真係臭到想嘔，一夾就散又爛，一搬開就已經溶係飯度，新鮮？算吧啦。佢隻蛋啲蛋白又抽唔哂，個飯不知所謂。個丼底，啲飯醋，唉。係享受完地獄之後，理所當然地個燒魷魚係未
我個人本身都鍾意食日本野，今次又俾新假期呃過去試，一入到去，員工心散吹水不在話下，長枱設計叫兩個人明明坐對面都好似分隔好遠咁。好彩風口位又涷又唔舒服忍唔住叫換位先有個卡位，如果唔係就有人係我地食緊野期間做paper work數紙仔。
一睇餐牌，午市同本身個menu一毛樣，價錢又相同，都唔明套咩餐。唉，一野算照落單，一個三號火山丼一個六號三色海膽丼加多份燒魷魚。
一坐低個所謂沙律，求其俾佳寶質素既碟仔中華沙律就算。
一黎，火山丼，中間個吞拿魚蓉好似免治豬肉咁，口感其怪，我都知尼個價想條吞拿魚有幾靚，之後，我都知三文魚存放得耐，都唔好俾我覺得你係咁落孖七同出哂魚油。仲唔知放兩包四洲紫菜係度唔知做咩，完全低成本。
個白味噌湯唔洗講木魚水都同你慳返，打個雜菜湯加吸水豆腐粒，尼樣已經係算正常既野。
再黎，海膽丼，三款海膽，由小到大，紫海膽已經怪怪地少少臭既餘韻，馬糞海膽都叫接受到清得黎少甜，到個加拿大海膽就真係臭到想嘔，一夾就散又爛，一搬開就已經溶係飯度，新鮮？算吧啦。
佢隻蛋啲蛋白又抽唔哂，個飯不知所謂。
個丼底，啲飯醋，唉。
係享受完地獄之後，理所當然地個燒魷魚係未到嫁啦，叫佢地跟一跟，就一去不回頭都係好合理既事，黎到都係咸得過份要你加錢叫野飲既商業手法都好正常。
走個陣埋單掉哂啲錢係枱面叫你執骨咁執真係連tips都唔想俾。
食完，真係反胃想嘔左兩個鐘，唉，真心失望。尼個價真係算吧啦
張貼