一幻拉麵

營業中

休息中

星期日晚上去，排左10分鐘就有位，店員都禮貌，環境幾好，枱距離都夠晒闊，但食物方面唔掂，首先湯太咸，食完成晚都好口渴（我都冇飲到湯，唔知係味鹽太多定係味精太多關係），而且拉麵冇咩彈性，煎餃子皮就ok 但入面冇咩湯汁，糖心蛋ok,而飲品方面真心唔化算，可樂要成15蚊，波子氣水都28蚊樽裝氣水都咁貴又唔係咩特飲。可以大膽講永不再食。好吃既拉麵而且性價比高既好多細店都做到。一碗咁咸咁湯都咁多人熱捧，真心覺得怪。