美心MX (冠天閣) (已結業)

今晚無煮飯近近地落街和老豆食MX。晚上來到餐廳食客唔多，見有大量座位唔駛搵位非常方便。今期凍凍地食個羊腩煲暖暖身都唔錯，老豆細食所以加左燒味加一碗白飯二人食就夠。滾滾羊腩煲 $69羊腩煲裡有腐竹、冬菇、竹荀和馬蹄配埋生菜，餸料十足，湯汁濃味撈飯食好正，羊腩細件唔多肉質軟，食落唔羶啱我口味，腐竹好索汁味，竹荀馬蹄爽口，餸料確係配搭完美，簡簡單單羊腩煲整體都幾好味。燒味三拼 $54燒鴨無咩肉唔多肥美，叉燒廋左Ｄ欠了點肥油無咁香口，豉油雞俾左脾位，肉質嫩有肉汁雞皮好入味唔錯。