華嫂冰室 (已搬遷) 新店位置

係余文樂未推介呢一間之前，已經聽過好多住元朗嘅朋友話呢一間華嫂冰室好好食，仲要的起心肝過嚟排隊。地方有啲偏僻，喺屏山站仲要再行一段路，建議朋友揸車嚟。我哋總共等左一個鐘，原來已經算係快，夏天你記住要查啲蚊怕水，因為呢度都幾多蚊。黎到呢度冇理由唔識招牌菠蘿包，我同朋友一人叫咗一個，然後再叫咗一個番茄麵。菠蘿包超級足料！有大大塊牛油，煎蛋再加埋番茄。一開始有啲擔心番茄同菠蘿包係咪會唔夾呢？但係咬落口法國口有大大塊牛油，煎蛋再加埋蕃茄。一開始有啲擔心番茄同菠蘿包係咪會唔夾呢？但係咬落發現呢個組合又幾特別喎，平時食菠蘿又會覺得有少少油膩，但係加埋番茄就啱啱好中和左呢個感覺，再加埋個蛋，同埋表面脆脆地嘅菠蘿皮，好食得來又唔會覺得好heavy! 同埋菠蘿包係熱嘅，牛油溶溶地好perfect!不過建議女仔朋友你都唔好帶太多野，我哋兩個食唔晒。一個包已經好飽再加埋個面真係太飽啦。