C DESSERT

營業中

休息中

真實自費食評返工既時候好唔開心，同事發現咗自己唔開心，就會靜雞雞咁叫聰。C Dessert 俾我食，而個刻會覺得呢間甜品舖喺附近係非常之合適。今晚同同事食完Pizza之後，去咗聰。C Dessert 食甜品，如果大家想食到就要早啲去排，去到都等咗大約15至20分鐘。今次叫咗呢到既王牌榴槤水晶珠 $48Durian with Crystal Seeds碗野一嚟到就已經好大陣榴槤味，係我最愛嘅榴槤，而且個雪糕唔會好軟身，好似有少少Gelato嘅質感，而且配咗啲水晶珠，口感非常豐富。生磨芝麻糊 $32Sesame Soup呢度嘅芝麻糊非常滑身，同埋都係好熱辣辣上，唔會好似出邊咁好暖，而且芝麻味非常之香。杏仁雪耳白果 $35Almond Tea with White Fungus and Gingkgo熱食係杏仁雪耳白果最好嘅配搭，因為呢個糖水係非常之滋潤，杏仁味好濃郁。呢間甜品店喺灣仔嚟講，款式非常之多，而且好新穎，亦都會有啲傳統嘅款，怪唔之得每一晚都咁多人排隊，晏晝有陣時都要排一陣，所以經過一定要試。