影片
更多
2013-04-15
16 瀏覽
話說我哋四個「好姊妹」去慶祝其中一個姊妹生日~~~佢今年想食日本嘢, 我哋就揀左「八王子」啦~~先黎個壽司拼盆先, 裡面咩都有, 牡丹蝦, 海膽, 吞拿魚拖羅, 和牛...(本人唔食吞拿魚架, 但都覺得幾好味^^)再黎個「加拿大海膽」~~~呢個海膽, 不得了!!望落都有成板架啦, $150左右, 一上枱, 我即刻就高呼:「食完呢板海膽, 真係會好大膽!!」海膽夾住紫菜, 再加少少Wasabi, 海水味加少少wasabi「弓鼻」嘅感覺, 正!!(壽星女唔食海膽, 但都肯食, 仲話好好味, 一試再試添^^)我自己自私地叫左一隻燒蠔試吓, 其實同普通燒蠔冇咩分別, 不過勝在夠抵食, 成隻手掌咁大, 都係$30~~有位姊妹叫左隻芝士燒帶子, 望落似一大隻, 但其實入面有三粒帶子, 我冇試到, 俾唔到分了。另外我哋仲叫左明太子燒豆腐, 明太子好多, 夾嗰陣要有啲技巧, 好容易會跌哂啲明太子...同埋佢本身都偏咸, 如果食唔到就唔好叫了。有一個必叫嘅!!!--->荔枝煙肉卷!!睇餐牌嗰陣, 見到荔枝同煙肉, 兩樣完全扯唔上任何關係嘅東西, 仲要拎去燒...咁奇怪嘅???不過我哋當試新嘢咁,
佢今年想食日本嘢, 我哋就揀左「八王子」啦~~
先黎個壽司拼盆先, 裡面咩都有, 牡丹蝦, 海膽, 吞拿魚拖羅, 和牛...
(本人唔食吞拿魚架, 但都覺得幾好味^^)
再黎個「加拿大海膽」~~~
呢個海膽, 不得了!!望落都有成板架啦, $150左右, 一上枱, 我即刻就高呼:
「食完呢板海膽, 真係會好大膽!!」
海膽夾住紫菜, 再加少少Wasabi, 海水味加少少wasabi「弓鼻」嘅感覺, 正!!
(壽星女唔食海膽, 但都肯食, 仲話好好味, 一試再試添^^)
我自己自私地叫左一隻燒蠔試吓, 其實同普通燒蠔冇咩分別, 不過勝在夠抵食, 成隻手掌咁大, 都係$30~~
有位姊妹叫左隻芝士燒帶子, 望落似一大隻, 但其實入面有三粒帶子, 我冇試到, 俾唔到分了。
另外我哋仲叫左明太子燒豆腐, 明太子好多, 夾嗰陣要有啲技巧, 好容易會跌哂啲明太子...同埋佢本身都偏咸, 如果食唔到就唔好叫了。
有一個必叫嘅!!!--->荔枝煙肉卷!!
睇餐牌嗰陣, 見到荔枝同煙肉, 兩樣完全扯唔上任何關係嘅東西, 仲要拎去燒...咁奇怪嘅???
不過我哋當試新嘢咁, 咩都試吓啦, 食落發覺荔枝同煙肉係出奇地夾啊!!!荔枝嘅清甜味中和左煙肉嘅咸味, 咬落粒荔枝仲好juicy!!
我哋仲encore, 叫多碟添!!
其實我哋仲叫左好多其他嘅嘢食, 我只係揀左啲特別啲嘅影低~~~
我哋今餐大概$1500, 張單三個人share, 每人$500
壽星女生日, 無所謂啦~~^^
題外話/補充資料：
餐廳嘅裝修係日本古時居酒屋嘅設計, 好有氣氛~~~
失望嘅係, 我同其中一位姊妹其實想叫大阪燒餅食, 我哋見到個餐牌有燒餅嘅相, 但係冇得叫....T_T
(以上食評乃用戶個人意見 , 並不代表OpenRice之觀點。)
張貼
