影片
更多
2021-02-21
428 瀏覽
今晚點餐係The pepperoni pizza 加三粒唔同口味嘅donut。Pizza: 好嘅Pizza只需要三種原材料：麵粉、茄醬、芝士。因此選咗個最簡單嘅 The pepperoni。食落第一口有驚喜，有別於Pizza Hut/PHD果種港式鬆脆啖啖肉的傳統口味，依間快餐店嘅意式香腸片只有十餘塊，香葉三四片，但卻組合出一種高級嘅味道。睇到之前食評話係用酸種批底，所以我特別在意，食第一片薄餅咀嚼時唔覺，但食第二片嘅時候發現批底真係非常煙韌，食完第三片是個牙骹攰到合唔埋，成為一種負擔，塊餅又唔係特別有麵香，真係唔識欣賞。Donut: 見到$38一個，想必有過人之處。食第一個係果醬口味，咬第一口，砂糖同果醬沖入口腔，佔據我所有味覺，聞到少少橙味，但口腔內得一個甜字。再接再勵食第二個係榛子口味，咬第一口食唔到醬，咬第二啖終於食到，但個口到喉嚨都係砂糖，腦海裡突然出現三個字— 糖尿病。第三粒都係留返俾老婆食。總結，幫襯依間快餐店嘅應該大多數都係西人，食慣港式口味薄餅嘅我真係唔係太識欣賞。如果嗌外賣比一家大細食，母親大人一定會破口大罵肉都冇多塊，又貴又唔抵。當然，當你對住過海食啲貴價但又冇乜
Pizza: 好嘅Pizza只需要三種原材料：麵粉、茄醬、芝士。因此選咗個最簡單嘅 The pepperoni。食落第一口有驚喜，有別於Pizza Hut/PHD果種港式鬆脆啖啖肉的傳統口味，依間快餐店嘅意式香腸片只有十餘塊，香葉三四片，但卻組合出一種高級嘅味道。睇到之前食評話係用酸種批底，所以我特別在意，食第一片薄餅咀嚼時唔覺，但食第二片嘅時候發現批底真係非常煙韌，食完第三片是個牙骹攰到合唔埋，成為一種負擔，塊餅又唔係特別有麵香，真係唔識欣賞。
The pepperoni
25 瀏覽
0 讚好
0 留言
Donut: 見到$38一個，想必有過人之處。食第一個係果醬口味，咬第一口，砂糖同果醬沖入口腔，佔據我所有味覺，聞到少少橙味，但口腔內得一個甜字。再接再勵食第二個係榛子口味，咬第一口食唔到醬，咬第二啖終於食到，但個口到喉嚨都係砂糖，腦海裡突然出現三個字— 糖尿病。第三粒都係留返俾老婆食。
Donut
24 瀏覽
0 讚好
0 留言
總結，幫襯依間快餐店嘅應該大多數都係西人，食慣港式口味薄餅嘅我真係唔係太識欣賞。如果嗌外賣比一家大細食，母親大人一定會破口大罵肉都冇多塊，又貴又唔抵。當然，當你對住過海食啲貴價但又冇乜烹調技術含量嘅食物，你就會有一種與別不同嘅感覺——感覺飄然到可以理性化自己中伏嘅感覺。
The pepperoni
22 瀏覽
0 讚好
0 留言
張貼
