影片
更多
2025-02-04
0 瀏覽
年廿八同朋友出嚟食團年飯，揀咗荃灣一間火鍋放題叫大滿足，成人$198/1位食兩個鐘，全店食品都係任飲任食嘅。有18款鍋底選擇，有烤魚、雞煲、羊腩煲、清湯底等，應有盡有😆⭐藤椒味烤魚我哋揀咗藤椒味烤魚做鍋底，口味揀咗小麻小辣，等咗一陣就上枱了，滿滿一盤辣椒真係好吸引，條魚大大條厚肉小骨，入口啖啖肉又嫩又滑，加上麻辣口味夠惹味，真係好好食🤤有驚喜係自助火鍋料區居然有聖子、蠔仔、卜卜蜆等海鮮，仲要一清場就refill返，唔使搶唔使爭。蠔仔雖然唔大隻，但肥美鮮嫩，蟶子同卜卜蜆都好先甜添。海蝦大大隻，肉質爽口彈牙。肥牛質素一般，但呢個價錢收貨有餘。其他火鍋料有各色丸類、腸仔、豬紅、魷魚、雜菌、粟米、芋絲、娃娃菜、唐生菜、皇帝菜等，勁多選擇😎另外仲有手拍青瓜、麻辣木耳等兩涼盤，其他仲有響鈴、炸魚皮、公仔麵、烏冬、生雞蛋等。哈哈，仲有飯後水果～橙、芭樂同賀年桔仔，攞返兩隻桔仔應下節先😆飲品都係超多選擇嘅，各色汽水、無糖茶、手工冷泡茶同水果茶，另外罐裝啤酒都有四款～百威、嘉士伯、獅威、喜力👍最後又點少得食甜品呢，攞返球雪糕先🤤雪櫃仲有布甸㗎，聽其他常客講，有時會有冰粉添呀。真係好抵食又好多嘢食，食完超
有18款鍋底選擇，有烤魚、雞煲、羊腩煲、清湯底等，應有盡有😆
⭐藤椒味烤魚我哋揀咗藤椒味烤魚做鍋底，口味揀咗小麻小辣，等咗一陣就上枱了，滿滿一盤辣椒真係好吸引，條魚大大條厚肉小骨，入口啖啖肉又嫩又滑，加上麻辣口味夠惹味，真係好好食🤤
有驚喜係自助火鍋料區居然有聖子、蠔仔、卜卜蜆等海鮮，仲要一清場就refill返，唔使搶唔使爭。蠔仔雖然唔大隻，但肥美鮮嫩，蟶子同卜卜蜆都好先甜添。
海蝦大大隻，肉質爽口彈牙。肥牛質素一般，但呢個價錢收貨有餘。
其他火鍋料有各色丸類、腸仔、豬紅、魷魚、雜菌、粟米、芋絲、娃娃菜、唐生菜、皇帝菜等，勁多選擇😎
另外仲有手拍青瓜、麻辣木耳等兩涼盤，其他仲有響鈴、炸魚皮、公仔麵、烏冬、生雞蛋等。哈哈，仲有飯後水果～橙、芭樂同賀年桔仔，攞返兩隻桔仔應下節先😆
飲品都係超多選擇嘅，各色汽水、無糖茶、手工冷泡茶同水果茶，另外罐裝啤酒都有四款～百威、嘉士伯、獅威、喜力👍
最後又點少得食甜品呢，攞返球雪糕先🤤雪櫃仲有布甸㗎，聽其他常客講，有時會有冰粉添呀。真係好抵食又好多嘢食，食完超滿足，飽到上心口。
張貼
