影片
更多
2024-12-31
485 瀏覽
10安士肉眼扒配忌廉薯蓉呢個肉眼扒叫左五成熟，冇overcooked，切開仲見到微粉紅色，肉汁都鎖得幾好🤤表面有少少微焦，帶住啲焦香味，咬落去濃郁肉味。至於配搭嘅忌廉薯蓉，質地夠creamy，奶油味非常重，入口順滑得黎又唔會太膩。最後加埋啲洋蔥汁，鹹味適中，唔會搶走扒嘅風頭，反而帶出肉味另一番層次感～卡邦尼Pizza🍕🍕呢個係邪惡Pizza!!!!一擺上枱已經聞到陣陣芝士香，Mozzarella芝士拉絲效果十足，仲要再灑上一層芝士粉，岩曬芝士控！材料方面都好誠意，煙肉鹹香味濃，仲有隻流心蛋喺中間，切開嚟個蛋黃緩緩流出，好治癒。雖然芝士用得多，但整體唔算好膩，可能因為Pizza底做得好，煙韌有嚼勁，食幾塊都唔覺得滯~
10安士肉眼扒配忌廉薯蓉
呢個肉眼扒叫左五成熟，冇overcooked，切開仲見到微粉紅色，肉汁都鎖得幾好🤤
表面有少少微焦，帶住啲焦香味，咬落去濃郁肉味。至於配搭嘅忌廉薯蓉，質地夠creamy，奶油味非常重，入口順滑得黎又唔會太膩。最後加埋啲洋蔥汁，鹹味適中，唔會搶走扒嘅風頭，反而帶出肉味另一番層次感～
卡邦尼Pizza🍕🍕
呢個係邪惡Pizza!!!!
一擺上枱已經聞到陣陣芝士香，Mozzarella芝士拉絲效果十足，仲要再灑上一層芝士粉，岩曬芝士控！材料方面都好誠意，煙肉鹹香味濃，仲有隻流心蛋喺中間，切開嚟個蛋黃緩緩流出，好治癒。雖然芝士用得多，但整體唔算好膩，可能因為Pizza底做得好，煙韌有嚼勁，食幾塊都唔覺得滯~
張貼
