阿里山台式美人鍋 (已結業)

天氣凍就好想打邊爐，咁啱見到台式美人鍋，就去食下。Menu上面有幾款鍋底揀，個個都好正咁，所以叫左個桃膠美人鍋加酸菜白肉鍋，變成鴛鴦鍋。估唔到個桃膠鍋會有成隻烏雞，勁足料！店員叫我地先飲個湯底，先再放啲配料落去烚。個湯真係好濃，好滋潤同好補身既感覺。個桃膠幾彈牙，食左好多舊哈哈，滿滿的膠原蛋白！配料方面叫咗d牛肉、蝦滑、墨魚滑、一d丸同烏冬。肥牛同安格斯牛柳粒都好正，會keep住一舊接一舊！整體好滿足，食完成個鍋之後好有養生同健康嘅感覺，希望食咗真係會變美人😂😂😂！