影片
更多
2023-01-29
874 瀏覽
微小嘅新年願望係一個月出街食一次好嘢。一月打頭陣嘅係ifc mall空中花園嘅HAKU！13 道菜碟碟精緻好味，每三道菜配一款酒。以下幾款打星星嘅係我嘅best pick！ 🥂Ernest Remy Champagne 果香清晰、微酸、易入口，bubbles好爽口，配魚生啖啖甘甜🌊UNI 海膽鮮甜，配柚子松露醬汁醒神，竹炭多士正好吸收所有精華，令人可以㗳真啲一陣風咁嘅海膽🐟OTORO大拖羅油脂豐盈，用昆布味醂醃後鮮味突出；紫蘇花味道獨特，紫菜脆撻有助減淡拖羅油膩感🐚SCALLOP北海道帆立貝啖啖肉，簡單配青瓜啫喱同萵筍就夠，醬汁係三杯酢加烤過嘅蒜同油，微酸、開胃🥂新潟月白以40%精米步合，充滿淡淡花香，清爽順喉🐠KANPACHI⭐第一次食間八刺身係配昆布油＋血橙汁，好鮮甜～ 魚肉晶凝通透、口感濃郁香醇，太正！🦑SQUID⭐魷魚以備長炭烘烤處理及牛油低溫慢煮，口感綿滑有咬勁，好特別，加上忌廉紫蘇油真係食唔停🥚CHAWANMUSHI茶碗蒸上有三文魚子、蝦肉，唔錯🥂Famille Lieubeau, Clisson Muscadet Sèvre et Maine相比頭兩支酒，呢款較酸，淡身、
13 道菜碟碟精緻好味，每三道菜配一款酒。以下幾款打星星嘅係我嘅best pick！
🥂Ernest Remy Champagne
果香清晰、微酸、易入口，bubbles好爽口，配魚生啖啖甘甜
🌊UNI
海膽鮮甜，配柚子松露醬汁醒神，竹炭多士正好吸收所有精華，令人可以㗳真啲一陣風咁嘅海膽
🐟OTORO
大拖羅油脂豐盈，用昆布味醂醃後鮮味突出；紫蘇花味道獨特，紫菜脆撻有助減淡拖羅油膩感
🐚SCALLOP
北海道帆立貝啖啖肉，簡單配青瓜啫喱同萵筍就夠，醬汁係三杯酢加烤過嘅蒜同油，微酸、開胃
🥂新潟月白
以40%精米步合，充滿淡淡花香，清爽順喉
🐠KANPACHI⭐
第一次食間八刺身係配昆布油＋血橙汁，好鮮甜～ 魚肉晶凝通透、口感濃郁香醇，太正！
🦑SQUID⭐
魷魚以備長炭烘烤處理及牛油低溫慢煮，口感綿滑有咬勁，好特別，加上忌廉紫蘇油真係食唔停
🥚CHAWANMUSHI
茶碗蒸上有三文魚子、蝦肉，唔錯
🥂Famille Lieubeau, Clisson Muscadet Sèvre et Maine
相比頭兩支酒，呢款較酸，淡身、頗dry
🍞PARKER HOUSE⭐
餐廳自家製黑蒜麵包，超級軟熟、香氣四溢，配松露牛油無得彈，好味到我自己一個人食哂四個包！
🐟SABLEFISH⭐
銀鱈魚用牛油慢煎，嫩滑到入口即溶；醬汁用魚骨、高湯、味增、松露油餚製，層次豐富；大廚落魚子醬亦唔手軟，為銀鱈魚加添鹹香
🦞BLUE LOBSTER
法國藍龍蝦爽甜彈牙，苦艾酒忌廉醬惹味，龍蝦油香甜
🍷Tyler Chardonnay
有黑加侖子味，由於唔好紅酒，只係飲左幾啖
🥩SHORT RIB
美國加州牛小排經過4小時煙燻再加慢煮後滑嫩多汁，經典BBQ醬味道永不過時，配食用花點綴靚到唔捨得食
🍧SORBET⭐
青擰雪芭味道清新，作為pre-dessert正好解除主食嘅油膩感
🍷Blandy's 5 Year Old Malmsey Madeira (Rich)⭐
有濃厚焦糖、拖肥糖同香草味，配甜品一流
🍨MEDJOOL DATE⭐
敲碎蜜棗味脆米餅，連同椰棗雪糕及底層咖啡碎一齊食，口感同味道非常濃郁特別，唔會太甜
🧁PETIT FOURS
莓味啫喱軟糖味道酸甜，質地黏牙；肉桂朱古力卷超級脆，卷住滿滿幼滑嘅肉桂朱古力醬；貝殼蛋糕牛油味重，細細粒食多幾件都唔怕
每碟小而精，份量剛好，你唔會肚餓，但又不斷想食多啲。唉入坑了，好想再食 🤯
📍HAKU @hakuhongkong
Dinner Tasting Menu $1980
Wine Tasting $680
張貼
