食力點心·雞煲專門店 (已結業)

今日想食雞煲，行過isquare見到呢間食力雞煲，夜麻麻仲有點心食咁過癮，咁就一行四人入去試下~之前行過呢頭都唔見有點心雞煲，再加上鋪頭唔多人，可能係新開既。價錢又唔係好貴，平時任食火鍋都係呢個價，依家呢度有點心同雞煲，感覺上好似抵食左。蝦餃、燒賣、潮州粉果、菜苗餃，每樣4隻，味道都唔錯喎，估唔到水準同平時係茶樓食個d點心差唔多。之後黎左醬料盤，一於整返個混醬食啦。叫左個小辣既，上枱就聞到好香好香的雞煲味，哄近少少聞真係好濃郁。雞肉大件又入味，最緊要係大部份都好嫩滑，加埋呢個惹味醬汁係唔錯。之後係海鮮什錦拼盤，有齊基本的肥牛、手打丸、青口、魚片、餃子、蝦……可以全部試一輪，之後再決定想encore邊幾款。再加多個蔬菜盤，又係樣樣都有d試下，份量係跟有幾多人而俾，見隔離枱兩個人就真係少一半，唔會浪費食物。因為唔夠食，所以就加多幾樣配料，都係任飲任食包埋既，唔使另外加錢，想食幾多就劃幾多，一定夠飽。