Oldish (已結業)

今日揀左Oldish嘅觀塘店黎扮下文青，講真對文青Cafe嘅食物從來都無期望，因為呢個世界好難有兩全奇美的地方，又要有文青格局，又要食物好好食，真心難。不過今日呢到地方非常復古，除左餐廳之外仲有賣皮革賣鞋等等嘅vintage店！一入去個feel好似去左另一個世界咁，非常有feel！自從喺澳洲返左黎之後，都無再食過羊架。皆因對香港羊架有偏見，硬係覺得又鞋又騷(相比起澳洲)。今次點左個<<焗澳洲羊架>>羊架表面鋪上麵包糠碎，焗至金黃脆卜卜。烹至Medium嘅羊架，時間控制得很好。羊架肉質食落非常非常幼嫩，呈粉紅色，並且好Juicy好多汁！真心好食，而且唔騷，同我喺澳洲食嘅味道一樣。右下角嘅芥末籽醬酸酸地咁，減低油膩感好開胃！真心好開心，竟然可以喺一間工廈Cafe食到咁高質素嘅羊架，猶如回到澳洲般！呢到嘅Tiramisu同平時食開嘅好唔同，制法同形狀都非常獨特。香滑冰凍嘅Tiramiru口感似雪糕，搭配熱騰騰嘅expresso，又熱又凍冰火交融嘅感覺，真係第一次食到咁特別嘅Tiramisu！ 足足一杯嘅expresso倒落個Tiramisu到，與香甜嘅Tira