影片
更多
2016-04-10
542 瀏覽
平時食慣連鎖放題店，貪佢地水準夠平均，但係食得多發覺菜式都係千篇一律，真係厭厭地！前排聽佐敦嘅朋友話附近有間放題，有得食埋泰國野，仲有得打埋邊爐！！！一次過滿足哂三個願望。價錢又同純日式放題差唔多，諗唔到唔試嘅理由！先唔講食物住，好想分享左個環境先！呢間放題嘅坐位舒適度，真係比其他晚晚爆滿嘅放題店高非常之多！！係我去過最舒服最好坐的(呢樣對我黎講好重要)！去食過放題的朋友都知，通常放題店嘅二人枱都有咁細得咁細，點多幾樣野食就塞爆張枱，有時甚至無位放到要疊高d碟。。。但喺呢到，即使你兩個人，都會安排坐卡位，而個位係闊落到等同平時嘅六人位，真係勁舒服！可以舒舒服服咁坐住傾計，唔洗因為驚無位放食物而要急住咁食！當然，環境幾舒服都好，食物係最重要的。<<刺身>>水準同其他放題店差唔多。咁多樣刺身中，<<北海道鮮帶子>>最值得讚平時好多放題都用勁細粒嘅帶子黎敷衍人，一係就切到勁細勁薄，但呢到食嘅帶子嘅size係正常嘅帶子再對半，大舊過其他放題好多！食落好有滿足感！而且幾鮮甜，值得一讚！<<三文魚>>新
前排聽佐敦嘅朋友話附近有間放題，有得食埋泰國野，仲有得打埋邊爐！！！一次過滿足哂三個願望。
價錢又同純日式放題差唔多，諗唔到唔試嘅理由！
先唔講食物住，好想分享左個環境先！
呢間放題嘅坐位舒適度，真係比其他晚晚爆滿嘅放題店高非常之多！！
係我去過最舒服最好坐的(呢樣對我黎講好重要)！
去食過放題的朋友都知，通常放題店嘅二人枱都有咁細得咁細，
點多幾樣野食就塞爆張枱，有時甚至無位放到要疊高d碟。。。
但喺呢到，即使你兩個人，都會安排坐卡位，而個位係闊落到等同平時嘅六人位，真係勁舒服！
可以舒舒服服咁坐住傾計，唔洗因為驚無位放食物而要急住咁食！
當然，環境幾舒服都好，食物係最重要的。
刺身
34 瀏覽
0 讚好
0 留言
咁多樣刺身中，<<北海道鮮帶子>>最值得讚
平時好多放題都用勁細粒嘅帶子黎敷衍人，一係就切到勁細勁薄，
但呢到食嘅帶子嘅size係正常嘅帶子再對半，大舊過其他放題好多！食落好有滿足感！
而且幾鮮甜，值得一讚！
<<三文魚>>新鮮厚切，有時仲會有三文魚腩，咬落啖啖肉！
<<珍寶赤蝦>>大隻得黎，食落鮮甜彈牙，我見隔離枱情侶狂encore，絕對係回本之選！
<<燒豬頸肉>>第一眼望佢好似勁乾咁，心諗會唔會好伏，但食落竟然係爽口彈牙，有驚喜！
<<冬陰公>>酸度適中，偏辣，薑味好重，朋友話好飲，但我就唔多鐘意咁濃的薑味。
<<綠咖哩豬肉>>咖哩味好濃幾惹味，豬肉用上豬頸肉，
<<壽司>>普普通通。無咩驚喜，對於放題壽司無咩期望，主攻刺身！！！
<<燒帶子>>幾大隻juicy，唔會乾！帶子肉鮮甜。最重要係隻帶子係連住個殼的，唔係reuse個殼再放舊肉落去！
<<生菜包>>同平時泰國餐廳差唔多味！肉碎調味不錯。d菜好新鮮，洗得好乾淨！
<<炒蜆>>呢到d蜆好大隻，唔係bb蜆，真係平時出去食o既size，味道係甜甜地辣辣地咁，可以一試。
<<燒菠蘿>>，超鐘意食！我食左8件。。。勁juicy勁甜，一定要叫呢個！
<<天婦羅>>炸得香脆，炸粉唔會過厚。烤日本蕃薯好好味！
呢到仲有埋長腳蟹，自助任拎！見到D人成座山咁夾，好彩佢Refill得快，我都食左唔少。長腳蟹海水味好濃，蟹肉肉質彈牙。
就快食完果時，突然醒起佢仲有包埋火鍋任食，但已經飽到無可能食到！滿足！
張貼
