Harlan's Cake Shop (已結業)

好朋友生日，生日蛋糕是必須的！！！記得幾年前，喺The One嘅呢間餅店食過，味道唔差，而且餅店有放少量枱櫈，可以坐低慢慢食！ 我地揀左呢個<<焦糖燉蛋榛子朱古力蛋糕>>，蛋糕面灑左少許金箔，賣相吸引。四種不同味道的配搭，食落層次感十足。濃郁的榛子配上焦糖燉蛋陣陣的蛋香，再加上由朱古力脆脆壓成的餅底，好好味呀！食多幾啖感覺有少少似食緊繽紛樂咁。呢個蛋糕有半磅，不消片刻就比我地兩個為食女人食哂！！！其實可以切四件，四個人分會比較好的。另外仲送左兩杯紅茶比我地消下濟。