Seafood Stand (已結業)

<<龍蝦漢堡>>平時閒閒地都索價百幾二百蚊，呢到$88就食到？！見佢平成咁，即管試試佢！由於係Lunch時段黎食，加$18就可以跟一樣小食同飲品，我就揀左兩件炸蠔！ 點完餐等左大約15分鐘就有得食，賣相係不錯的。個包皮係有焊過下，食落係熱的，如果可以烤到佢少少脆會更加好味呢。 呢個包個涵唔單止有龍蝦肉，仲有一舊原隻帶子o係入面。聽落好豐富好正！但係，舊帶子同龍蝦肉都係接近完全無味。。。好似用水恰完就咁放上個包咁，感覺零調味。。。（可能佢有少少，但真係好唔夠味）。而龍蝦肉份量正常，$88都唔會期望比到好多料架啦。龍蝦肉質口感正常，無麥特別，用料同價錢成正比，成件事好合理。個包個醬都係普通千島醬，食落成個包都好普通。。。真係有點兒失望。反而反而，呢個餐最令人驚喜嘅係自取用黎點炸蠔的Cocktail醬。酸酸甜甜咁幾特別！😍😍😍個炸蠔雖然唔算大粒，但都幾juicy，點落個cocktail醬到，非常好味。雖然今次好失望，但我係會再黎試其他漢堡架！我相信佢嘅牛漢堡應該會好食好多😁😁😁 。