橫綱

營業中

休息中

呢間拉麵店喺香港好長時間,十幾年前都見到,真正有幾耐就唔知喇。食過咁多次我竟然一直無寫呢間, 我最愛既拉麵店之一,因為經常性排隊,所以我都數8點半後先黎,唔洗等咁耐。今次都係,9點唔知食咩好,10點半又要去機場接人, 咁就黎食拉麵啦, 好彩唔洗等位,今次點左博多屋台風拉麵。一如既往,水準穩定, 叉燒,配料,湯底,拉麵,每一樣都咁穩定, 雖然唔係驚為天人, 但就係咁穩定地好食, 豬骨湯底濃郁, 唔會油膩, 差唔多飲晒,拉麵軟硬適中, 配合埋個湯簡直一絕。