影片
更多
2020-07-25
995 瀏覽
雖然正值疫情高峰期，但亦要探望年老嘅嫲嫲，所以就入左大埔順便食埋野🤦🏻♀️ （上星期） 其實大埔一開始比我嘅印象就係出名食魚蛋粉🙈 根據我食魚蛋粉成2X年嘅經驗，簡直對每間喺大埔嘅魚蛋粉檔瞭如指掌（出名嗰啲）😂 以前嘅喺舊街市一定係洪記同欽記稱霸～但當然蔡潤記個水準都好高，都有住喺出面食唔到嘅味道💗 但今次講嘅就係後起嘅海達～講真一開始佢喺新街市嘅時候我覺得佢好普通，如果問點解要食佢，一定係因為佢以前好抵食😂 但搬左地鋪之後佢嘅水準越來越高，所以我都幾推薦嘅～⠀⠀🐟魚片頭魚片米線加腩汁🐮🍜 （包餐飲）$42⠀⠀✦⭐️話比大家聽，呢個組合係絕對有著數同有私心😂 經過我都食左1X年嘅經驗，呢個組合係有4舊魚片頭+3塊魚片～但如果係食魚蛋魚片頭河就會係得3粒魚蛋+3舊魚片頭😎⠀⠀✦湯頭係屬於較清甜較淡味嘅，如果大家同我一樣鍾意食重口味嘅話，咁一定一定要加腩汁🐮！佢個腩汁嘅牛腩味真係勁濃郁🤩而且又唔會過份鹹，亦食唔到味精味～加埋落魚蛋粉度，啲粉又索哂啲腩汁同湯～真係超正🥰⠀（我細個會直接飲腩汁🙈）⠀✦而魚蛋，魚片頭同埋魚片都係佢地自己手打嘅～同欽記一樣咁爽口彈牙🤩唔同嘅係魚片頭係真係會有陣魚片頭
⠀
🐟魚片頭魚片米線加腩汁🐮🍜 （包餐飲）$42⠀
魚片片頭米線
$42
77 瀏覽
0 讚好
0 留言
⠀
✦⭐️話比大家聽，呢個組合係絕對有著數同有私心😂 經過我都食左1X年嘅經驗，呢個組合係有4舊魚片頭+3塊魚片～但如果係食魚蛋魚片頭河就會係得3粒魚蛋+3舊魚片頭😎⠀
⠀
✦湯頭係屬於較清甜較淡味嘅，如果大家同我一樣鍾意食重口味嘅話，咁一定一定要加腩汁🐮！佢個腩汁嘅牛腩味真係勁濃郁🤩而且又唔會過份鹹，亦食唔到味精味～加埋落魚蛋粉度，啲粉又索哂啲腩汁同湯～真係超正🥰⠀（我細個會直接飲腩汁🙈）⠀
✦而魚蛋，魚片頭同埋魚片都係佢地自己手打嘅～同欽記一樣咁爽口彈牙🤩唔同嘅係魚片頭係真係會有陣魚片頭味😳 係比較會有嗰種鮮魚味（唔係腥味）同埋較吸湯～魚片頭真係唔係間間整得好食嫁😆
⠀
✦而魚皮都係佢地自己炸，根據我多年嘅經驗～食魚蛋粉一開始一定要食炸魚皮先！因為呢個時候嘅炸魚皮一半又索哂香濃嘅湯汁精華但又未完全變軟稔，另一半仲維持喺香脆嘅狀態～咁樣食哂兩個口感先係最好食嘅！🤩私心推介都係配加左腩汁嘅湯底🙈 真心同炸魚皮係絕配！⠀
⠀
✦最後推介佢地秘製嘅辣椒油🌶～係我食過最香又最辣嘅辣椒油🙈 雖然我唔太食得辣，但佢又好香喎，而我最後都會加一兩滴落去🥰 真係會令到成碗粉香勁多同埋昇華到另一個層次～更加醒胃🥰⠀
✦因為我每個星期會食一次，而大家都應該知道河粉好肥...所以我戒左食河粉，就轉食米線😂 我覺得米線都已經好入味，而河粉係會更加match呢個湯底～因為河粉更加索湯，咁食落就更加入味啦😍⠀
⠀
希望大家鍾意我今次嘅分享啦🥰
張貼
